سوڭعى ۇلگىدەگى كاسىپورىن سەمەيدەگى «ءوندىرىس» يندۋستريالدى ايماققا سالىنادى. جوسپارعا ساي، زاۋىت ىسكە قوسىلعان سوڭ، ءىرى قارا مەن ۇساق مالدىڭ ەتى وڭدەلىپ، ەت كونسەرۆىلەرى مەن شۇجىق تۇرلەرىن شىعارادى. قالادا جاڭا جۇمىس ورنى اشىلادى.
– يراندىق سەرىكتەس ءبىزدىڭ وڭىردە جايسىزدىق سەزىنبەۋى ءتيىس. تەز ارادا دايىندىق جۇمىستارىن باستاۋلارى ءۇشىن بارلىق جاعدايدى جاساۋىمىز كەرەك، – دەدى وبلىس اكىمى دانيال احمەتوۆ.
ايماق باسشىسى، سونداي-اق، ۋچاسكە اۋماعىنا بارلىق ينفراقۇرىلىم جەلىسى تارتىلىپ بەرەتىندىگىن جەتكىزدى. بۇدان بولەك «بيزنەستىڭ جول كارتاسى-2020» باعدارلاماسى بويىنشا تەمىرجول تارماعى جۇرگىزىلەدى. ونىڭ يگىلىگىن البەتتە، يندۋستريالدى ايماقتاعى وزگە كاسىپكەرلەر دە كورەدى. كاسىپورىندى شيكىزاتپەن قامتاماسىز ەتۋ مۇمكىندىگى قاراستىرىلىپ جاتىر. يراندىقتار وزدەرىنىڭ بورداقىلاۋ الاڭدارىن جابدىقتاۋعا دا ىنتالى ەكەندىكتەرىن ايتتى. قازاننىڭ اياعىنا دەيىن ينۆەستيسيالىق كەلىسىمشارتقا قول قويىپ، جەر تەلىمىن بەرۋ ماسەلەسىن شەشۋ جوسپارلانىپ وتىر. 2018 جىلدىڭ باسىنا دەيىن جوبا مەملەكەتتىك ورگانداردا كەلىسىمنەن ءوتىپ، ءبىتۋى ءتيىس.
شقو اكىمىنىڭ باسپا ءسوز قىزمەتى
https://dalanews.kz/30625
