Sharanyń ashylý saltanatynda QR Taekvondo federasıasynyń vıse-prezıdenti Arman Shylmanov federasıa basshylyǵy atynan SHQO Dene shynyqtyrý jáne sport basqarmasyna taekvondo sportynyń damýyna qosqan úlesi úshin alǵys aıtyp, basqarma basshysy Asqar Mojanovqa alǵys hat tabystady.
– Shyǵys Qazaqstanda barlyq sport túriniń, sonyń ishinde taekvondonyń damýyna tolyqtaı jaǵdaı jasalýda. Aımaqta sport mektepteri ashylyp, jattyqqan sportshylar aımaq, el namysyn túrli saıystarda qorǵap keledi. Sol sıaqty búgingi jarysqa qatysyp, baq synap otyrǵan árbir sportshyǵa sáttilik tileımin, – dedi Asqar Mojanov.
Taekvondo federasıasynyń SHQO boıynsha prezıdenti Mırhat Bolathanovtyń aıtýynsha, bul tek el chempıonaty ǵana emes, Azıa chempıonatynyń irikteý syny bolyp tabylady. Saıysta jeńiske jetkender keler jyly Ońtústik Koreıada ótetin Azıa Chempıonatynda el namysyn qorǵamaq.