شارانىڭ اشىلۋ سالتاناتىندا ق ر تاەكۆوندو فەدەراسياسىنىڭ ۆيسە-پرەزيدەنتى ارمان شىلمانوۆ فەدەراسيا باسشىلىعى اتىنان شقو دەنە شىنىقتىرۋ جانە سپورت باسقارماسىنا تاەكۆوندو سپورتىنىڭ دامۋىنا قوسقان ۇلەسى ءۇشىن العىس ايتىپ، باسقارما باسشىسى اسقار موجانوۆقا العىس حات تابىستادى.
– شىعىس قازاقستاندا بارلىق سپورت ءتۇرىنىڭ، سونىڭ ىشىندە تاەكۆوندونىڭ دامۋىنا تولىقتاي جاعداي جاسالۋدا. ايماقتا سپورت مەكتەپتەرى اشىلىپ، جاتتىققان سپورتشىلار ايماق، ەل نامىسىن ءتۇرلى سايىستاردا قورعاپ كەلەدى. سول سياقتى بۇگىنگى جارىسقا قاتىسىپ، ب ا ق سىناپ وتىرعان ءاربىر سپورتشىعا ساتتىلىك تىلەيمىن، – دەدى اسقار موجانوۆ.
تاەكۆوندو فەدەراسياسىنىڭ شقو بويىنشا پرەزيدەنتى ميرحات بولاتحانوۆتىڭ ايتۋىنشا، بۇل تەك ەل چەمپيوناتى عانا ەمەس، ازيا چەمپيوناتىنىڭ ىرىكتەۋ سىنى بولىپ تابىلادى. سايىستا جەڭىسكە جەتكەندەر كەلەر جىلى وڭتۇستىك كورەيادا وتەتىن ازيا چەمپيوناتىندا ەل نامىسىن قورعاماق.
