Oblys aýmaǵynda koronavirýs juqtyrǵandardyń sany 507 adamǵa jetti.
Keńes qaýipti virýstyń taralmaýyna qatysty máselelerdi talqyǵa saldy. Aitalyq, dál qazirgi epidemiialyq jaǵdaidy eskere otyryp, qoǵamdyq kólikterdiń jumysyn shekteý usynyldy. Mundai qatań sharalar jaqynda ǵana Semei qalasyna engizilgeni belgili. Onda avtobýstar jumys kúnderi saǵat 10.00-den 16.00-ge deiin júredi, al demalys kúni qoǵamdyq kólikter múldem qatynamaidy.
Jiynǵa qatysýshylar osyǵan bailanysty qyzmetkerlerdi jumys ornyna aparyp-ákelý máselesin sheshý kerektigin aitty. Óitkeni mekemelerdiń barlyǵy birdei qashyqtan jumys isteýge kóshe almaidy.
Al oblystyq taýarlar men qyzmetterdiń sapasyn jáne qaýipsizdigin baqylaý departamentiniń baspasóz qyzmeti Óskemen qalasynyń Bas memlekettik sanitarlyq dárigeri qaýlysynyń jobasy ázirlenip jatqanyn málimdedi. Biraq qaýlynyń jaryqqa qashan shyǵatyny belgisiz.
