وبلىس اۋماعىندا كوروناۆيرۋس جۇقتىرعانداردىڭ سانى 507 ادامعا جەتتى.
كەڭەس ءقاۋىپتى ۆيرۋستىڭ تارالماۋىنا قاتىستى ماسەلەلەردى تالقىعا سالدى. ايتالىق، ءدال قازىرگى ەپيدەميالىق جاعدايدى ەسكەرە وتىرىپ، قوعامدىق كولىكتەردىڭ جۇمىسىن شەكتەۋ ۇسىنىلدى. مۇنداي قاتاڭ شارالار جاقىندا عانا سەمەي قالاسىنا ەنگىزىلگەنى بەلگىلى. وندا اۆتوبۋستار جۇمىس كۇندەرى ساعات 10.00-دەن 16.00-گە دەيىن جۇرەدى، ال دەمالىس كۇنى قوعامدىق كولىكتەر مۇلدەم قاتىنامايدى.
جيىنعا قاتىسۋشىلار وسىعان بايلانىستى قىزمەتكەرلەردى جۇمىس ورنىنا اپارىپ-اكەلۋ ماسەلەسىن شەشۋ كەرەكتىگىن ايتتى. ويتكەنى مەكەمەلەردىڭ بارلىعى بىردەي قاشىقتان جۇمىس ىستەۋگە كوشە المايدى.
ال وبلىستىق تاۋارلار مەن قىزمەتتەردىڭ ساپاسىن جانە قاۋىپسىزدىگىن باقىلاۋ دەپارتامەنتىنىڭ باسپا ءسوز قىزمەتى وسكەمەن قالاسىنىڭ باس مەملەكەتتىك سانيتارلىق دارىگەرى قاۋلىسىنىڭ جوباسى ازىرلەنىپ جاتقانىن مالىمدەدى. ءبىراق قاۋلىنىڭ جارىققا قاشان شىعاتىنى بەلگىسىز.
