ShQO-da koronavirýstyń taralýyna jol bermeý úshin, kezekshi politsiia qyzmetkerleri teplovizormen qamtyldy.
Olar kóshede azamattardyń dene qyzýyn ólsheitin bolady. Oblys boiynsha osyndai 5000 qurylǵy alynǵan bolatyn.
Al Semei qalasyndaǵy kezekshi politsiia qyzmetkerleri 468 teplovizlermen qamtylyp, turǵyndardyń dene qyzýyn ólshep, tártiptiń saqtalýyn qadaǵalaýda.
Shahar basshysy «atalǵan qurylǵynyń halyqtyń deniniń saýlyǵy úshin jasalyp jatqan shara ekendigin jáne indettiń taralmaýyna barlyq adamdar jaýapty ekenin» jetkizdi Ermak Sálimov.
Jahandy jailaǵan Indettiń quryǵyna ilinbes úshin, saqtyq sharalary aýadai qajet.
Osy rette qalamyzdaǵy shekteý sharalaryna bailanysty qalalyqtardyń tól qujatyn, ruqsat qaǵazyn tekserip júrgen politsiia kapitany «turǵyndar dene qyzýyn tekserýine esh qarsylyq bildirmei túsinistik tanýda» deidi Aisulý Baimadieva.
Al egerde qalalyqtardyń qurylǵymen teksergen kezde dene qyzýy 37 gradýstan joǵary bolsa, jedel járdem kóligin shaqyrtyp, turǵyndy emhanaǵa jetkizedi.
Aita ketelik ShQO koronavirýs tirkelgen óńirler arasynda eń tómengi kórsetkishke ie aimaqtyń biri. Oblysta qaýipti infektsiia juqtyrǵan 8 adam anyqtalǵan.
Qýanysh RAHMETOLLAULY,
Semei qalasy
