شقو-دا كوروناۆيرۋستىڭ تارالۋىنا جول بەرمەۋ ءۇشىن، كەزەكشى پوليسيا قىزمەتكەرلەرى تەپلوۆيزورمەن قامتىلدى.

ولار كوشەدە ازاماتتاردىڭ دەنە قىزۋىن ولشەيتىن بولادى. وبلىس بويىنشا وسىنداي 5000 قۇرىلعى الىنعان بولاتىن.

ال سەمەي قالاسىنداعى كەزەكشى پوليسيا قىزمەتكەرلەرى 468 تەپلوۆيزلەرمەن قامتىلىپ، تۇرعىنداردىڭ دەنە قىزۋىن ولشەپ،  ءتارتىپتىڭ ساقتالۋىن قاداعالاۋدا.

شاھار باسشىسى «اتالعان قۇرىلعىنىڭ حالىقتىڭ دەنىنىڭ ساۋلىعى ءۇشىن جاسالىپ جاتقان شارا ەكەندىگىن جانە ىندەتتىڭ تارالماۋىنا  بارلىق ادامدار جاۋاپتى ەكەنىن» جەتكىزدى ەرماك ءسالىموۆ.

جاھاندى جايلاعان ىندەتتىڭ قۇرىعىنا ىلىنبەس ءۇشىن، ساقتىق شارالارى اۋاداي قاجەت.

وسى رەتتە قالامىزداعى شەكتەۋ شارالارىنا بايلانىستى قالالىقتاردىڭ ءتول قۇجاتىن، رۇقسات قاعازىن تەكسەرىپ جۇرگەن پوليسيا كاپيتانى «تۇرعىندار دەنە قىزۋىن تەكسەرۋىنە ەش قارسىلىق بىلدىرمەي تۇسىنىستىك تانۋدا» دەيدى ايسۇلۋ بايمادييەۆا.

ال ەگەردە قالالىقتاردىڭ قۇرىلعىمەن تەكسەرگەن كەزدە  دەنە قىزۋى 37 گرادۋستان جوعارى بولسا، جەدەل جاردەم كولىگىن شاقىرتىپ، تۇرعىندى ەمحاناعا جەتكىزەدى.

ايتا كەتەلىك شقو كوروناۆيرۋس تىركەلگەن وڭىرلەر اراسىندا ەڭ تومەنگى كورسەتكىشكە يە ايماقتىڭ ءبىرى. وبلىستا ءقاۋىپتى ينفەكسيا جۇقتىرعان 8 ادام انىقتالعان.

قۋانىش راحمەتوللا ۇلى،

سەمەي قالاسى