Búgin Shyǵys Qazaqstan oblysyna jasaǵan jumys sapary barysynda TJ ministri Shyńǵys Árinov oblys ákimi Nurymbet Saqtaǵanovpen birge Óskemen qalasynyń ortalyq alańynda qutqarýshylarǵa jáne «Qazselezashita» MM qyzmetkerlerine 65 dana jańa tehnika men qyzmettik páterlerdiń kiltterin saltanatty túrde tabys etti, – dep habarlaidy Dalanews.kz ShQO ákiminiń baspasóz qyzmetine silteme jasap.
Aimaq basshysy atap ótkendei, búgingi kúni qutqarýshylardyń aimaqtyq bólimshelerin materialdyq-tehnikalyq jaǵynan jabdyqtaýǵa erekshe kóńil bólinýde, jáne alǵash ret óńirlerde osyndai kólemdegi tehnika bir ýaqytta aýdandarǵa taratylady.
Bul tehnikanyń mobildiligi men áreket etý jyldamdyǵyna tikelei áseri bar. Qutqarýshylarymyzdyń demalysy joq, qysta olar joǵary ótimdi kóliktermen qar qursaýynda qalǵan jandarǵa kómek kórsetý úshin áreket etedi, sondai-aq orman órtteri men sý tasqyny sekildi tótenshe jaǵdailar kezinde de osy tehnikany qoldanady, - dep atap ótti Nurymbet Saqtaǵanov.
Sonymen qatar, TJ ministrine óńirlik bólimshe qyzmetinde tsifrlyq tehnologiialardy qoldanýdyń sátti úlgisi kórsetildi. Qazirgi ýaqytta tórt baǵyt boiynsha derekter bir aqparattyq júiege jinalady:
- sý tasqyny qaýipi bar eldi mekender
- gidroposttardan alynǵan aqparat
- josparly injenerlik-tehnikalyq jumystar
- sý tasqynyna qarsy is-sharalar.
Osyndai júie arqyly jedel shtab sý tasqyny qaýipi bar aimaqtardy, qandai gidrotehnikalyq qurylymdardy, arnalardy jáne kópirlerdi tazartý qajet ekenin, qai eldi mekender sý tasqyny qaýpinde ekenin naqty túsinedi. Sondai-aq, bul júiege ózenderdegi sý deńgeii týraly aqparat engizý josparlanyp otyr, bul múmkin sý tasqynynyń aldyn ala boljamyn jasap, jaǵalaýdy nyǵaitý jumystaryn jáne arnalardy tazartýdy tiimdi josparlaýǵa múmkindik beredi.
