Shomylý maýsymynda sýdaǵy jazataiym oqiǵalardyń aldyn alý jáne azamattardyń qaýipsizdik mádenietin qalyptastyrý maqsatynda TJM qyzmetkerleri belsendi profilaktikalyq jumys júrgizýde, dep habarlaidy dalanews.kz.
Qutqarýshylar balalardyń qaýipsizdigine erekshe nazar aýdarady.
TJM sýdyń janynda bolǵan kezde qarapaiym qaýipsizdik erejelerin saqtaý qajettigin eske salady:
- balalardy sý aidyndarynyń janynda qaraýsyz qaldyrmańyz jáne eresekterdiń baqylaýynsyz shomylýyna jol bermeńiz;
- beitanys jáne shomylýǵa jabdyqtalmaǵan oryndarda, sondai-aq «Shomylýǵa tyiym salynady», «Súńgýge tyiym salynady», «Qaýipti! Iirim» belgileri qoiylǵan jerlerde shomylmańyz;
- mas kúide sýǵa túspeńiz;
- shomylý aýmaǵyn belgileitin qalqymalardan asyp júzbeńiz;
- shaǵyn kólemdi kemeler men ózge de júzý quraldaryna jaqyndamańyz;
- tekserilmegen jáne jabdyqtalmaǵan jerlerde sýǵa súńgimeńiz;
- júzýge arnalmaǵan zattarmen sýda júzbeńiz.
- qaiyqtardan, katerlerden, ailaqtardan, tabiǵi jartastardan, tastardan, qorshaýlardan jáne osy maqsatqa arnalmaǵan ózge de qurylystardan sýǵa sekirmeńiz.
Árbir azamat sý aidyndaryndaǵy qaýipsizdik erejelerin qatań saqtaýy tiis. Osy qarapaiym qaǵidalardy saqtaý sizdiń jáne jaqyndaryńyzdyń ómiri men densaýlyǵyn saqtaýǵa múmkindik beredi.
