Шомылу маусымында судағы жазатайым оқиғалардың алдын алу және азаматтардың қауіпсіздік мәдениетін қалыптастыру мақсатында ТЖМ қызметкерлері белсенді профилактикалық жұмыс жүргізуде, деп хабарлайды dalanews.kz.
Құтқарушылар балалардың қауіпсіздігіне ерекше назар аударады.
ТЖМ судың жанында болған кезде қарапайым қауіпсіздік ережелерін сақтау қажеттігін еске салады:
- балаларды су айдындарының жанында қараусыз қалдырмаңыз және ересектердің бақылауынсыз шомылуына жол бермеңіз;
- бейтаныс және шомылуға жабдықталмаған орындарда, сондай-ақ «Шомылуға тыйым салынады», «Сүңгуге тыйым салынады», «Қауіпті! Иірім» белгілері қойылған жерлерде шомылмаңыз;
- мас күйде суға түспеңіз;
- шомылу аумағын белгілейтін қалқымалардан асып жүзбеңіз;
- шағын көлемді кемелер мен өзге де жүзу құралдарына жақындамаңыз;
- тексерілмеген және жабдықталмаған жерлерде суға сүңгімеңіз;
- жүзуге арналмаған заттармен суда жүзбеңіз.
- қайықтардан, катерлерден, айлақтардан, табиғи жартастардан, тастардан, қоршаулардан және осы мақсатқа арналмаған өзге де құрылыстардан суға секірмеңіз.
Әрбір азамат су айдындарындағы қауіпсіздік ережелерін қатаң сақтауы тиіс. Осы қарапайым қағидаларды сақтау сіздің және жақындарыңыздың өмірі мен денсаулығын сақтауға мүмкіндік береді.
