بۇگىن شىعىس قازاقستان وبلىسىنا جاساعان جۇمىس ساپارى بارىسىندا تج ءمينيسترى شىڭعىس ءارىنوۆ وبلىس اكىمى نۇرىمبەت ساقتاعانوۆپەن بىرگە وسكەمەن قالاسىنىڭ ورتالىق الاڭىندا قۇتقارۋشىلارعا جانە «قازسەلەزاششيتا» مم قىزمەتكەرلەرىنە 65 دانا جاڭا تەحنيكا مەن قىزمەتتىك پاتەرلەردىڭ كىلتتەرىن سالتاناتتى تۇردە تابىس ەتتى، – دەپ حابارلايدى Dalanews.kz شقو اكىمىنىڭ باسپا ءسوز قىزمەتىنە سىلتەمە جاساپ.
ايماق باسشىسى اتاپ وتكەندەي، بۇگىنگى كۇنى قۇتقارۋشىلاردىڭ ايماقتىق بولىمشەلەرىن ماتەريالدىق-تەحنيكالىق جاعىنان جابدىقتاۋعا ەرەكشە كوڭىل بولىنۋدە، جانە العاش رەت وڭىرلەردە وسىنداي كولەمدەگى تەحنيكا ءبىر ۋاقىتتا اۋداندارعا تاراتىلادى.
بۇل تەحنيكانىڭ موبيلدىلىگى مەن ارەكەت ەتۋ جىلدامدىعىنا تىكەلەي اسەرى بار. قۇتقارۋشىلارىمىزدىڭ دەمالىسى جوق، قىستا ولار جوعارى ءوتىمدى كولىكتەرمەن قار قۇرساۋىندا قالعان جاندارعا كومەك كورسەتۋ ءۇشىن ارەكەت ەتەدى، سونداي-اق ورمان ورتتەرى مەن سۋ تاسقىنى سەكىلدى توتەنشە جاعدايلار كەزىندە دە وسى تەحنيكانى قولدانادى، - دەپ اتاپ ءوتتى نۇرىمبەت ساقتاعانوۆ.
سونىمەن قاتار، تج مينيسترىنە وڭىرلىك بولىمشە قىزمەتىندە سيفرلىق تەحنولوگيالاردى قولدانۋدىڭ ءساتتى ۇلگىسى كورسەتىلدى. قازىرگى ۋاقىتتا ءتورت باعىت بويىنشا دەرەكتەر ءبىر اقپاراتتىق جۇيەگە جينالادى:
- سۋ تاسقىنى ءقاۋىپى بار ەلدى مەكەندەر
- گيدروپوستتاردان الىنعان اقپارات
- جوسپارلى ينجەنەرلىك-تەحنيكالىق جۇمىستار
- سۋ تاسقىنىنا قارسى ءىس-شارالار.
وسىنداي جۇيە ارقىلى جەدەل شتاب سۋ تاسقىنى ءقاۋىپى بار ايماقتاردى، قانداي گيدروتەحنيكالىق قۇرىلىمداردى، ارنالاردى جانە كوپىرلەردى تازارتۋ قاجەت ەكەنىن، قاي ەلدى مەكەندەر سۋ تاسقىنى قاۋپىندە ەكەنىن ناقتى تۇسىنەدى. سونداي-اق، بۇل جۇيەگە وزەندەردەگى سۋ دەڭگەيى تۋرالى اقپارات ەنگىزۋ جوسپارلانىپ وتىر، بۇل مۇمكىن سۋ تاسقىنىنىڭ الدىن الا بولجامىن جاساپ، جاعالاۋدى نىعايتۋ جۇمىستارىن جانە ارنالاردى تازارتۋدى ءتيىمدى جوسپارلاۋعا مۇمكىندىك بەرەدى.
