Shyǵys Qazaqstan 2016 jyldy oń kórsetkishtermen aiaqtap otyr
Keńeitilgen apparattyq keńestiń barysynda ShQO-nyń ótken jyldaǵy áleýmettik-ekonomikalyq damýynyń aldyn-ala qorytyndylary jariialandy.
- Biz 2016 jyldy optimistik kórsetkishtermen aiaqtap otyrmyz. Óńirlik jalpy ónim 114 paiyzdy qurap otyr. Bul oblys turǵyndarynyń atqarǵan jumysynyń oń nátijesi. Ónerkásip salasynda kórsetkishter 139,7 paiyzǵa, aýyl sharýashylyǵynda 109 paiyzǵa artpaq. Agrarlyq salada ónim kóleminiń artýy barlyq qalalar men aýdandarda baiqalady. Negizgi kapitalǵa quiylǵan investitsiianyń kólemi 103,9 paiyzǵa kóbeidi. Jalpy, biz maqsattyq kórsetkishterdiń nátijeli ekenin kóre alamyz. Bul – oblys áleýetiniń joǵary ekenin taǵy bir aishyqtai túsedi, - dedi aimaq basshysy.
2016 jyly ónerkásip salasy Óskemen, Semei, Ridder qalalarynda jáne Aiagóz aýdanynda qarqyndy damyǵan.
Mysaly, bul baǵyttaǵy kórsetkish 111,8 paiyzǵa jetken Semeide ótken jyly elektr qýatyn taratý jelileriniń baǵandaryn, fanerlalar men OSB taqtaishalaryn óndirý qolǵa alynǵan.
Aldyn-ala qorytyndylar boiynsha aýyl sharýashylyǵynyń jalpy óniminiń kólemi 399,9 mlrd teńgeni quramaq. Et óndirisi 103,6 paiyzǵa, sút óndirisi 102,2 paiyzǵa artyp otyr.
2016 jyly negizgi kapitalǵa quiylǵan investitsiia kólemi 427,9 mlrd teńgeni quraǵan. Mundai joǵary kórsetkishke Aiagóz, Jarma, Shemonaiha aýdandary qol jetkizgen. Ótken jyly Aqtoǵai taý-ken óńdeý kombinatynda sýlfidti kendi óńdeý fabrikasy iske qosylǵan bolatyn.
Sonymen qatar, jyldyń qorytyndysy boiynsha 334 myń sharshy metr turǵyn úi qoldanysqa berildi.
Oblys ákimi Danial Ahmetov 2017 jyly damý qarqynyn kúsheitý úshin birqatar mańyzdy mindetterdi atqarý kerektigin atap ótti.
Aǵymdaǵy jyly ózekti áleýmettik-ekonomikalyq máselelerdi sheshý úshin biýdjette tiisti qarjy qarastyrylǵany da tilge tiek etildi. Óńirdiń 2017 jylǵy biýdjeti 304 milliard teńgeni qurap, Qazaqstannyń Táýelsizdigi jyldaryndaǵy eń joǵary mejege jetip otyr.
