Shyǵys jeńil ónerkásipti damytýǵa bet burdy
Kezinde Semei qalasynda jeńil ónerkásip salasy aitarlyqtai damyǵanyn bilemiz. Biraq qazirgi tańda óńirde bul baǵytta jumys isteitin iri kásiporyndar joq desek te bolady.
ShQO Kásipkerlik jáne indýstrialdy-innovatsiialyq damý basqarmasynyń basshysy Erjan Shormanovtyń aitýynsha, qazirgi tańda Shyǵys Qazaqstan oblysynda jeńil ónerkásip salasynda jumys istep jatqan 46 kásiporyn bar bolsa, 43 shaǵyn kásiporyndar eken.
Biyl osy kásiporyndardyń óndirgen ónimi 2 mlrd teńgege jýyqtapty. Sala basshysynyń aitýynsha, Shyǵystaǵy jeńil ónerkásip kásiporyndary negizinen Semei qalasynda ornalasqan.
Olar negizinen túrli qaptar, tósek oryn jabdyqtaryn, arnaiy kiimder, súiretpe men túrli aiaq kiimder óndirip keledi. Biyldan bastap Óskemen men Semeidegi taýar óndirýshiler memlekettik tapsyrys aiasynda mektep oqýshylarynyń formalaryn tigip, áleýmettik az qamtylǵan halyqqa tartqan bolatyn. Oqýshylardyń formasyn tigýge oblys pen jergilikti jerlerdiń biýdjetinen 626 mln teńge bólinip, óńirdegi shaǵyn kásipkerliktiń damýyna qoldaý kórsetilgen. Sonymen qatar bul baǵyttaǵy jumystar áleýmettik az qamtylǵan halyqty qoldaýǵa baǵyttalǵanyn da aita ketýimiz kerek.
– Oblysta jeńil ónerkásip salasyn damytý biz úshin mańyzdy baǵyt bolýy kerek. Iá, elimizdegi tigin salasyn syrttan keletin kiim-keshektermen básekege túse almaidy. Biraq oblysymyzda júzdegen kásiporyndar ózderine qajetti arnaiy kiimderdi syrttan satyp almai, ózimizdegi tigin tsehtaryna tiktirestin bolsa, tigin salasymen ainalysyp júrgen kásiporyndarǵa úlken qoldaý bolary sózsiz. Búginde «Biznestiń jol kartasy – 2020» baǵdarlamasy qatysyp, memlekettiń qoldaýyna ie bolǵan jeńil ónerkásip mekemeleri óndiristik múmkindikterin keńeitkenin jaqsy bilemin. Olar oblys aýmaǵyndaǵy iri kásiporyndarǵa qajetti sapaly arnaiy kiimder tigetin múmkindikke ie, – dep oblys basshysy óńirdegi iri kásiporyndardy jeńil ónerkásip nysandaryn qoldaýǵa shaqyrdy. Sonymen qatar tiisti oryndarǵa osy baǵytta jumys isteýge tapsyrma berdi.
