Biylǵy jylǵy úsh toqsannyń qorytyndysynda Shevronnyń túsimi $124 mlrdty qurady. Bul ótken jyldyń tiisti merzimimen salystyrǵanda, 19% artyq dep habarlaidy Halyk Finance.
Munai satýdan jáne basqa operatsiialyq tabystan túsken túsimniń basym bóligi (96%) 21% ósken. Segmenttik kesindimen alatyn bolsaq, kompaniia óziniń Upstream-daǵy (shiki munaidy óndirý jáne satý) tabysyn 3,5 ese arttyryp, $10 mlrdqa jetkizgen, olardyń $7,7 mlrd AQSh-tan tys jerdegi jobalardan alyndy.
Al Downstream-da (munaidy óńdeý, munai ónimderin satý), kerisinshe, túsimniń 25% tómendegeni baiqalady, $2,9 mlrd-qa deiin tómendegen.
Atap aitarlyǵy naqty kólemder boiynsha satylymnyń ósimi 5% aspaidy.
Óndiristik shyǵyndardyń quramynda shiki munai men óńdeý ónimderin satyp alýǵa jumsalǵan qarjynyń ósýi baiqalady (+29%-dan) $71 mlrd-qa deiin, muny eseptik merzimde munai baǵasynyń neǵurlym joǵary bolýymen túsindirýge bolady.
Eseptik merzimdegi taza kiris $11 mlrd-tan asty, sóitip, 81% ósimdi kórsetti.
2018 jylǵy úshinshi toqsannyń sońynda kompaniianyń aqshalai pozitsiiasy jyldyń basynan beri 2 ese nyǵaiyp, $9,7 mlrdty qurasa, qaryz deńgeii $36,1 mlrdqa teń boldy.
«Bizdiń oiymyzsha, 2018 jylǵy toǵyz aidyń qorytyndysy boiynsha túsimniń eleýli ósýi eseptik merzimde munai baǵasy qolaily bolǵandyqtan negizdi», – dep atap ótti Halyk Finance-daǵylar.
Osyǵan bailanysty sarapshylar aǵymdaǵy nátijelerden tosynsyi kórip otyrǵan joq. Sondyqtan bul jańalyqty beitarap aqparat retinde qabyldaýda.
Shevronnyń jyl sońyndaǵy nátijesine boljam jasaǵan Halyk Finance aldaǵy 12 aida da kompaniianyń ár aktsiiasyn $151 maqsatty baǵamen satyp alý jónindegi usynysyn saqtap qalmaq.
