2024 jylǵy 1 qazandaǵy jaǵdaı boıynsha jergilikti atqarýshy organdardyń ruqsaty bar 13 707 shetel azamaty Qazaqstanda eńbek etip júr, dep habarlaıdy Dalanews.kz.
Eńbek jáne halyqty áleýmettik qorǵaý mınıstrligi baspasóz qyzmetiniń málimetinshe, Qazaqstanda jumys isteıtin sheteldikter basshylyq qyzmetten bastap qara jumysqa deıingi aralyqtaǵy sanattardy qamtıdy. Atap aıtqanda:
- basshylar men olardyń orynbasarlary úshin 548 ruqsat (birinshi sanat),
- qurylymdyq bólimshelerdiń basshylary úshin 2 503 ruqsat (ekinshi sanat).
- úshinshi sanatqa sala mamandary - 4 874 jáne tórtinshi sanatqa bilikti jumysshylar jatady – 861 adam.
Sondaı-aq maýsymdyq jumystarǵa 1 586 adam, al korporatıvtik jumys aýystyrý aıasynda 3 335 adam Qazaqstanǵa tartylǵan.
Qazirgi ýaqytta Qazaqstanda sheteldik jumys kúshin paıdalanatyn 1 799 jumys berýshi bar. Olarda 390,2 myńnan astam Qazaqstan azamaty jumys isteıdi, bul - qyzmetkerlerdiń jalpy sanynyń 96,6%-y.
Ekonomıkalyq qyzmet túrleri boıynsha eń kóp jumys isteıtinder:
- qurylys salasynda – 5 144 adam,
- aýyl, orman jáne balyq sharýashylyǵy – 1 638 adam,
- ákimshilik jáne kómekshi qyzmetter – 1 439,
- óńdeý ónerkásibi – 1 376 adam,
- taý – ken ónerkásibi jáne karerlerdi qazý – 1 344 adam.
Eńbek mıgranttary negizi myna elderden keledi: Qytaı – 4 600 adam, Ózbekstan – 1 698 adam, Túrkıa – 1 145 adam, Úndistan – 1 101 adam.
"İshki eńbek naryǵyn qorǵaý maqsatynda QR Eńbek jáne halyqty áleýmettik qorǵaý mınıstrligi jyl saıyn respýblıkaǵa shetel mamandaryn tartýǵa kvota belgileıdi jáne bóledi. 2024 jyly jalpy kvota respýblıkadaǵy jumys kúshiniń sanyna qatysty 0,23% nemese 21,5 myń birlik mólsherinde belgilendi", delingen QR EHÁQM habarlamasynda.
