2024 جىلعى 1 قازانداعى جاعداي بويىنشا جەرگىلىكتى اتقارۋشى ورگانداردىڭ رۇقساتى بار 13 707 شەتەل ازاماتى قازاقستاندا ەڭبەك ەتىپ ءجۇر، دەپ حابارلايدى Dalanews.kz.
ەڭبەك جانە حالىقتى الەۋمەتتىك قورعاۋ مينيسترلىگى باسپا ءسوز قىزمەتىنىڭ مالىمەتىنشە، قازاقستاندا جۇمىس ىستەيتىن شەتەلدىكتەر باسشىلىق قىزمەتتەن باستاپ قارا جۇمىسقا دەيىنگى ارالىقتاعى ساناتتاردى قامتيدى. اتاپ ايتقاندا:
- باسشىلار مەن ولاردىڭ ورىنباسارلارى ءۇشىن 548 رۇقسات (ءبىرىنشى سانات)،
- قۇرىلىمدىق بولىمشەلەردىڭ باسشىلارى ءۇشىن 2 503 رۇقسات (ەكىنشى سانات).
- ءۇشىنشى ساناتقا سالا ماماندارى - 4 874 جانە ءتورتىنشى ساناتقا بىلىكتى جۇمىسشىلار جاتادى – 861 ادام.
سونداي-اق ماۋسىمدىق جۇمىستارعا 1 586 ادام، ال كورپوراتيۆتىك جۇمىس اۋىستىرۋ اياسىندا 3 335 ادام قازاقستانعا تارتىلعان.
قازىرگى ۋاقىتتا قازاقستاندا شەتەلدىك جۇمىس كۇشىن پايدالاناتىن 1 799 جۇمىس بەرۋشى بار. ولاردا 390،2 مىڭنان استام قازاقستان ازاماتى جۇمىس ىستەيدى، بۇل - قىزمەتكەرلەردىڭ جالپى سانىنىڭ 96،6%-ى.
ەكونوميكالىق قىزمەت تۇرلەرى بويىنشا ەڭ كوپ جۇمىس ىستەيتىندەر:
- قۇرىلىس سالاسىندا – 5 144 ادام،
- اۋىل، ورمان جانە بالىق شارۋاشىلىعى – 1 638 ادام،
- اكىمشىلىك جانە كومەكشى قىزمەتتەر – 1 439،
- وڭدەۋ ونەركاسىبى – 1 376 ادام،
- تاۋ – كەن ونەركاسىبى جانە كارەرلەردى قازۋ – 1 344 ادام.
ەڭبەك ميگرانتتارى نەگىزى مىنا ەلدەردەن كەلەدى: جۇڭگو – 4 600 ادام، وزبەكستان – 1 698 ادام، تۇركيا – 1 145 ادام، ءۇندىستان – 1 101 ادام.
"ىشكى ەڭبەك نارىعىن قورعاۋ ماقساتىندا ق ر ەڭبەك جانە حالىقتى الەۋمەتتىك قورعاۋ مينيسترلىگى جىل سايىن رەسپۋبليكاعا شەتەل ماماندارىن تارتۋعا كۆوتا بەلگىلەيدى جانە بولەدى. 2024 جىلى جالپى كۆوتا رەسپۋبليكاداعى جۇمىس كۇشىنىڭ سانىنا قاتىستى 0،23% نەمەسە 21،5 مىڭ بىرلىك مولشەرىندە بەلگىلەندى"، دەلىنگەن ق ر ەحاقم حابارلاماسىندا.
