Astanada oqý ortalyǵyna qatysty polısıaǵa ujymdyq shaǵym tústi, – dep habarlaıdy Dalanews.kz.
Azamattardan "Ǵasyr" oqý ortalyǵynyń alaıaqtyq áreketterine baılanysty polısıaǵa ujymdyq shaǵym túsken. Tergeý barysynda azamattar sheteldik joǵary oqý oryndaryna túsýge daıyndyq kýrstaryna jazylyp, kelisimshartqa qol qoıyp, tolyqtaı tólem jasaǵany anyqtalǵan.
"Alaıda kórsetilýge tıis bilim berý qyzmetteri usynylmaǵan. Bul derek boıynsha qylmystyq is qozǵaldy. Qazirgi tańda tergeý amaldary júrgizilip jatyr. Tergeý barysy Astana qalalyq PD basshylyǵynyń baqylaýynda", - dedi polısıa.
Aıta keteıik, buǵan deıin Astanada júzden asa ata-ana "Ǵasyr" bilim berý ortalyǵyna aldanyp qalǵany habarlandy.
Balalaryn shetelde oqytamyz degen ýádemen mıllıondap aqsha jınaǵan oqý orny aıaq astynan jumysyn toqtatyp, basshylary izim-ǵaıym joǵalǵan. Jábirlenýshilerdiń aıtýynsha, ár ata-ana orta eseppen 1,5–2 mıllıon teńge kóleminde aqsha tólegen.
Alaıda ýáde etilgen bilim berý qyzmeti tolyq kórsetilmegen: sabaqtar júıeli ótpegen, daıyndyq kýrstary úzdiksiz júrgizilmegen.
