استانادا وقۋ ورتالىعىنا قاتىستى پوليسياعا ۇجىمدىق شاعىم ءتۇستى، – دەپ حابارلايدى Dalanews.kz.

ازاماتتاردان "عاسىر" وقۋ ورتالىعىنىڭ الاياقتىق ارەكەتتەرىنە بايلانىستى پوليسياعا ۇجىمدىق شاعىم تۇسكەن. تەرگەۋ بارىسىندا ازاماتتار شەتەلدىك جوعارى وقۋ ورىندارىنا تۇسۋگە دايىندىق كۋرستارىنا جازىلىپ، كەلىسىمشارتقا قول قويىپ، تولىقتاي تولەم جاساعانى انىقتالعان.

"الايدا كورسەتىلۋگە ءتيىس ءبىلىم بەرۋ قىزمەتتەرى ۇسىنىلماعان. بۇل دەرەك بويىنشا قىلمىستىق ءىس قوزعالدى. قازىرگى تاڭدا تەرگەۋ امالدارى جۇرگىزىلىپ جاتىر. تەرگەۋ بارىسى استانا قالالىق پد باسشىلىعىنىڭ باقىلاۋىندا"، - دەدى پوليسيا.

ايتا كەتەيىك، بۇعان دەيىن استانادا جۇزدەن اسا اتا-انا "عاسىر" ءبىلىم بەرۋ ورتالىعىنا الدانىپ قالعانى حابارلاندى.

بالالارىن شەتەلدە وقىتامىز دەگەن ۋادەمەن ميلليونداپ اقشا جيناعان وقۋ ورنى اياق استىنان جۇمىسىن توقتاتىپ، باسشىلارى ءىزىم-عايىم جوعالعان. جابىرلەنۋشىلەردىڭ ايتۋىنشا، ءار اتا-انا ورتا ەسەپپەن 1،5–2 ميلليون تەڭگە كولەمىندە اقشا تولەگەن.

الايدا ۋادە ەتىلگەن ءبىلىم بەرۋ قىزمەتى تولىق كورسەتىلمەگەن: ساباقتار جۇيەلى وتپەگەن، دايىندىق كۋرستارى ۇزدىكسىز جۇرگىزىلمەگەن.