Qazaqstanda TMD elderinen tys memleketterde turatyn ata-analardan aliment óndirý máselesi áli de kúrdeli bolyp otyr. Málimetke sáikes, mundai jaǵdaida sot sheshimderiniń oryndalý deńgeii nebári 16 paiyzdy ǵana quraidy, dep habarlaidy Dalanews.kz.
Sot ákimshiligi basshysynyń orynbasary Asylbek Musralinov bul kórsetkishtiń tómen bolýyn birneshe sebeppen túsindirdi. Onyń aitýynsha, ár memlekettiń zańnamasy ártúrli bolǵandyqtan jáne aliment tóleýge mindetti adamdardyń naqty qai jerde júrgenin anyqtaý qiyn bolǵandyqtan, sot sheshimderin oryndaý kúrdelene túsedi.
Al TMD elderi arasynda bul másele birshama oń sheshimin taýyp keledi. Minsk jáne Kishinev konventsiialarynyń aiasynda aliment óndirýge qatysty joldanǵan ótinishterdiń shamamen 90 paiyzy oryndalady.
Osyǵan bailanysty Májilis atalǵan halyqaralyq kelisimderge engizilgen ózgeristerdi ratifikatsiialady. Jańa túzetýlerge sáikes, aliment óndirý týraly sot buiryqtary TMD-ǵa múshe memleketterdiń aýmaǵynda ózara tanylyp, májbúrli túrde oryndalýy tiis. Bul shara balalardyń quqyǵyn qorǵaýdy kúsheitip, aliment óndirý tetigin tiimdirek etýge baǵyttalǵan.
