"Osy oqiǵa bailanysty aitar bolsaq, Din isteri jáne azamattyq qoǵam ministri Nurlan Ermekbaev sheteldik oqý oryndaryna jastarymyzdyń baqylaýsyz shyǵyp ketý máselesin birneshe ret kótergen bolatyn", − deidi QR Din isteri jáne azamattyq qoǵam ministriniń keńesshisi Baqytjan Qulekeev.
Onyń aitýynsha, shetelge dini bilim alý maqsatynda barǵan jastarymyz radikaldy dini aǵymdar ideologtarynyń yqpalyna túsedi. Bul qazaqstandyqtardyń sheteldegi dini oqý oryndaryna barýy rettelmegendikten bolyp otyr. Búgingi tańda 300-ge jýyq azamatymyz shetelde osyndai jaǵdaida bilim alýda, kóbenese olar Egipet pen Saýd Arabiiasynda oqidy. Otandastarymyzdyń bir bóligi túsindirý jumystarynnyń nátijesinde elge oraldy.
"Atalǵan memleketterde ahýal búgingi tańda kúrdeli ekendigin túsiný qajet. Ol jaqta terrorizmge qarsy jáne jalpy kóshi-qon tártibi kúsheitildi. Osyǵan bailanysty eger radikaldy aǵymdardyń jaqtaýshysy bolmasańyz da, markaz dep atalatyn kúmándi oqý ortalyqtarynda, dini nemese tildik kýrstarda oqityn bolsańyz, jergilikti arnaiy organdar men politsiianyń nazaryna dereý iligesiz", − dep basa aitty Qulekeev.
Osyǵan bailanysty, ministrlik ata-analarǵa balalaryn osyndai oqý oryndaryna jibermes buryn oilanyp, barlyǵyn aqylǵa salýǵa keńes beredi.
"Ózimizde oqý oryndary jetkilikti. Mysaly, Almatydaǵy "Nur-Múbarak" ýniversiteti men elimizde medreseler júiesi bar. Sondai-aq, nelikten tiisti mamandyq alyp, bolashaqta tabys kózin taba alatyn basqa da bilim alýdy oilamasqa", − deidi ministrdiń keńesshisi.
Ol Qazaqstan musylmandary dini basqarmasynyń budan bylai shetelde kelisimsiz bilim alyp kelgen azamattardy jumysqa qabyldamaitynyn eske salyp ótti.
Onyń aitýynsha, qazirgi ýaqytta dini qyzmet týraly zańnama jobasy ázirlenip jatyr. Osy jumys sheńberinde shetelde teologiialyq bilim alýmen bailanysty qoǵamdyq qatynastardy retteitin norma usynylatyn bolady.
"Birneshe nusqa bar. Biz olardy basqa vedomstvolardyń sarapshylarymen talqylaý ústindemiz. Olardyń biri Qazaqstanda bakalavriat deńgeiinde joǵarǵy dini bilim alǵannan keiin jáne tirkelgen dini birlestikterdiń joldamalary boiynsha ǵana shetel memleketterinde rýhani (dini) bilim alýdy qarastyrady. Magistratýra jáne doktorantýra deńgeii boiynsha bilim alýǵa shekteýler qarastyrylmaidy. Eger dini birlestikte Qazaqstan aýmaǵynda tiisti bilim beretin mekeme bolmaǵan jaǵdaida ǵana oqytý qarastyrylýy múmkin. Atalǵan norma boiynsha qoiylatyn shekteý azamattardyń bilim alýdaǵy basty quqyqtaryn buzbaidy", − deidi Qulekeev.
