Sheshenge "Sonaý jaqtan qatynap, eki eldiń ortasynda jumys jasap júrsiz be?" degen suraǵyma kúle jaýap berdi.
– Árine, biz erkekpiz ǵoi. Qalai bolǵan kúnniń ózinde otbasyn asyraý kerekpiz, – deidi.
– Sonda elderińizde jumys joq pa? – desem.
– Iá, – dep áńgimesin jalǵady, – Siz eger Sheshenstanda bir ai qonaqtaityn bolsańyz, birde-bir buryshta boq sasyp jatqan alqashty kórmeisiz. Óitkeni, bizdiń eldiń azamattary ulttyq tárbieni boiyna qatty sińirgen. Bizdiń ultymyz er azamatqa otbasyn asyraýdy mindet etip qoiǵan.
Elimizde balalar úii, qarttar úii degen atymen joq. Eger militsiia bir áieldiń jeńil júriske túskenin bilse, ony álgi áieldiń aǵasyna ia bolmasa inisine aitady. Baýyrlary áieldiń tiisti jazasyn beredi.
Eger bireýdiń balasy úlkenge qarsy kelip, daýys kótergen bolsa, ol habar álgi jigittiń ata-anasyna, týǵandaryna jetip, jigit mindetti túrde jazalanady. Túsik jasatýǵa zańmen tyiym salynǵan. Qazaqtar jetimin jylatpaǵan halyq edi, biraq qazir qoǵamdy nashaqorlyq, zinaqorlyq, jezókshelik, islamnyń atyn jamylǵan sektalarǵa erýshilik sizderdi azdyryp barady, – dedi álgi sheshen.
Sondai-aq ol qyzdaryn basqa ultqa bermeiinin de aitty. Al eger ilýde bireý ózge ult ókiline kúieýge shyǵyp jatsa, onda ol qyzben ata-anasy da, týǵandary da bailanysyn birjola úzedi. "Nege?" degen suraǵyma:
– Óitkeni olar ózge ulttyń balasyn týady. Biz sheshen jigitter qazaqtan da, orystan da qyz ala alamyz. Óitkeni, ol qyz báribir sheshenniń balasyn týady. Al sizder kerisinshe "meniń qyzym sheteldikke kúiege shyqqan" dep maqtan tutasyzdar, – dedi.
Aitqandary ras! Eshteńe dei almadym. Bylai qaraǵanda qazaqtyń ulttyq tárbiesi sheshenderdikinen asyp túspese, kem emes qoi. Bizge ulttyq tárbieni, ulttyq ustanymdardy jańǵyrtýǵa ne kedergi bolyp jatyr osy?!
Jupar Baimaǵanbetova
https://dalanews.kz/14464
