Prokýratýra organdarynyń ardageri Hatisha Jumaǵulova Sherzat ólimine bailanysty sot protsesine qatysty pikir bildirdi, dep habarlaidy Dalanews.kz Tengrinews.kz-ke silteme jasap.
Tsifrlyq dáýirde áleýmettik jeliler men blogerler arqyly qoǵam pikiriniń yqpaly aitarlyqtai artty. Alaida zań turǵysynan alǵanda, sotqa, kýálarǵa, jábirlenýshiler men aiyptalýshylarǵa qysym jasaý áreketterine jol berilmeýi tiis. Ásirese rezonansty isterde bul prokýrorlar men sýdialarǵa moraldyq qysym týdyryp, ádil úkimge kedergi keltirýi múmkin.
Hatisha Jumaǵulovanyń sózinshe, azamattyq qoǵam sot júiesin baqylap otyrýy kerek, biraq bul áreketter quqyqtyq sheńberde júzege asýy tiis ekenin eskertti.
– Blogerler ekinshi tergeý nemese sottyń rólin atqarmaýy qajet. Eger bloger qandai da bir adamdy aiǵaqsyz aiyptap, videolar ne jazbalar jariialasa, bul ádilettilikke kedergi keltirýi múmkin. Qylmystyq is – tok-shoý emes. Sóz bostandyǵy – jala jabý nemese sot isine aralasý jaýapkershiligin joqqa shyǵarmaidy, – dedi Jumaǵulova.
Ol qoǵamdy qorytyndy jasaýǵa asyqpaýǵa jáne sotty qurmetteýge shaqyrdy.
– Eń bastysy — daýys kóterý emes, dálel. Sonda ǵana ádil ári zańdy sheshimge qol jetkizemiz. Zań – bul emotsiia emes, ádilettiń quraly. Sotqa isti tolyqqandy qarap, ádil úkim shyǵarýǵa múmkindik berińizder, – dedi ol.
Eske salaiyq, byltyr Talǵarda jappai tóbeles bolyp, saldarynan 16 jastaǵy jasóspirim Sherzat Bolat kóz jumdy.
Kámeletke tolmaǵan balany óltirý deregi boiynsha Almaty oblysynyń Politsiia departamenti qylmystyq is qozǵady. Sondai-aq, olardyń úii órtenip ketti.
Kóp uzamai, iaǵni 9 jeltoqsanda marqum Sherzat Bolattyń aǵasy Nurǵanat Ǵaiypbaev ajal qushty. Politsiia departamenti aldyn ala derekter boiynsha ol sýitsid jasaǵanyn málimdedi. Oǵan dálel retinde politseiler Nurǵanattyń týysyna messendjer arqyly jazǵan hatyn jariia etti.
Al marqum Sherzattyń ákesi baýyry Nurǵanat Ǵaiypbaevty jer qoinyna tapsyrǵanan keiin buqaralyq aqparat quraldarymen kezdesýdi talap etip, kóshege shyqty. Alaida araǵa uzaq ýaqyt salmai Qarjaýbai Nurymovty politsiia qyzmetkerleri ustap áketti. Artynsha Sherzat Bolattyń ápkesi qamaýǵa alyndy. Keiin Qarjaýbai Nurymov 15 táýlikke ákimshilik qamaýǵa alyndy.
