Marqum Sherzat Bolattyń otbasy qaýipsiz jerge kóshirildi, - dep habarlaidy Dalanews.kz Bugin.kz portalyna siltep.
Bul týraly marqum Saltanat Núkenovanyń aǵasy Aibek Amangeldi málimdedi.
“Biz otbasyny basqa aimaqqa aýystyrdyq. Qazir otbasy jańa úide, qaýipsiz jerge kóshirildi. Biz bul aqparatty jariialamaǵan edik. Naqty qai jerge kóshirilgenin aitpaimyz, bul - jariialaýǵa jatpaityn aqparat”, – dedi Aitbek Amangeldi.
Quqyq qorǵaýshylar ákimdikke narazy ekenin jetkizdi. Olardyń ersi áreketteri Qarjaýbai Nurymovty da tań qaldyrypty. Bul týraly Qarjaýbaidyń otbasylyq advokaty aitty.
“Ákimdik úi berý boiynsha usynys jasaǵan bolatyn. Sol jerde úi salyp beremiz degen edi. Alaida órtengen úidiń ornyn tazalaý jumystary boiynsha da kómek kórsetken joq. Tipti ákimdikten kelip, Qarjaýbaidyń kómekten bas tartatyny týraly aitqanyn videoǵa jazyp alamyz degen. Qarjaýbai bul jaǵdaidy túsinbei, eshnárse qajet emes ekenin jetkizdi”, – dedi advokaty Saida Táýekelova.
Buǵan deiin Sherzattyń úiin órtegen kúdiktiler áli tabylmaǵanyn jazǵan edik. Sherzat Bolattyń otbasynyń advokaty Saida Táýkeleva úidi órtegen kúdiktilerdiń áli kúnge deiin anyqtalmaǵanyn jetkizdi.
“Biz oblys prokýrorymen kezdestik, ol tergeý barysy jaily tolyq aqparat berdi. Onyń aitýynsha, is aiaqtalýǵa jaqyn, sebebi qajetti saraptamalar men protsedýralar oryndalǵan. Degenmen ázirge kúdiktiler anyqtalǵan joq. Tergeý barysynda úlken jumys atqarylǵanyn aitty, biraq nátije joq,” – dedi advokat.
Eske salaiyq, buǵan deiin Talǵarda jappai tóbeles bolyp, saldarynan 16 jastaǵy jasóspirim kóz jumdy. Janjal jigittiń otbasy jalǵa alatyn dúkennen bastalǵan. Týystarynyń aitýynsha, saýda núktesine kelgen satyp alýshy syra alyp, aqshasyn tóleýden bas tartqan. Osy jaǵdaidan keiin tóbeles bastalǵan.
