Sherzat Bolattyń isi boıynsha kúdiktilerden uıaly telefon, Alısa qurylǵysy tárkilengen. Bul týraly jábirlenýshi taraptyń advokaty málimdedi, - dep habarlaıdy Dalanews.kz Ulysmedia-ǵa siltep.

Advokattar quqyq qorǵaý organdaryna suraý jibergen. Jelide taraǵan oqıǵa Eńbekshiqazaq aýdanyndaǵy ýaqytsha ustaý ızolátorynda bolǵan.

Advokat Erlan Adaevtyń sózinshe, bul jaǵdaı boıynsha quzyrly organdardan tolyq aqparat suratqan.

«Eńbekshi qazaq aýdanyndaǵy laýazymdy tulǵalarǵa qatysty qyzmettik tekseris aıaqtaldy. Qorytyndy Almaty oblysysyń polısıa departamentine jiberildi. İske qatysty laýazymdy tulǵalardyń bári de anyqtaldy. Olar tártiptik komısıa sheshimimen jazaǵa tartylady. Tergeý ızolátorynda qoldanylǵan zańsyz zattardyń bári – mobıldi telefon, Iandeks-kolonka tárkilenip, qyzmettik tergeý matertaldaryna tirkeldi. Beınebaqylaý kameralarynyń jazbalary zertteldi», – degen ol.

Sherzattyń ólimine qatysy bar degen kúdiktilerdiń ızolátorda týǵan kún toılaǵan vıdeosy áleýmettik jelilerde tarap ketken edi.

Bul jaǵdaı qoǵamda taǵy da rezonans týǵyzdy. Artynsha Almaty oblysynyń Polısıa departamenti mán-jaıdy túsindirdi.

«Ýaqytsha ustaý ızolátorynan bir tutqynnyń týǵan kúnin atap ótýi beınelengen vıdeonyń taralý faktisi boıynsha jan-jaqty tekserý júrgizilýde. Barlyq kináli tulǵalar, sonyń ishinde basshylyq ta, qatań jaýapkershilikke tartylady. Tergeý barysy erekshe baqylaýǵa alyndy. Osy quqyq buzýshylyqqa yqpal etken sebepter men jaǵdaılardy joıý boıynsha sharalar qabyldandy», — dep málimdedi polısıa.

Eske salaıyq, 2024 jyly 4 qazanda Talǵarda 16 jastaǵy jasóspirim Sherzat Bolat qaza tapty. Araǵa biraz ýaqyt salyp Sherzattyń aǵvsy Nurqanat Ǵaıypbaev ta óli tabyldy.