Qazaqstannyń Ishki ister ministrligi Sherzat Bolattyń ólimine qatysty tergeý Qylmystyq kodekstiń qandai baptary boiynsha júrgizilip jatqanyn aitty, - dep habarlaidy Dalanews.kz.
Qylmystyq ister myna baptar boiynsha júrgizilip jatyr:
- Almaty oblysynyń Politsiia departamenti Qylmystyq kodeksiniń 99-babynyń 2-bóligi
(adam óltirý), - 293-babynyń 3-bóligi (buzaqylyq),
- 115-baby (qorqytý),
- 432-baby (qylmysty jasyryp qalý)
- 434-babymen (qylmys týraly habarlamaý) qylmystyq ister tirkelip, tergeý júrip jatyr.
Qazirgi tanda qasaqana kisi óltirýge qatysty kúdikpen 8 adam jáne qylmys týraly habarlamaý boiynsha 3 adam sottyń sanktsiiasymen qamaýǵa alyndy.
Eske salaiyq, buǵan deiin Talǵarda jappai tóbeles bolyp, saldarynan 16 jastaǵy jasóspirim kóz jumdy. Janjal jigittiń otbasy jalǵa alatyn dúkennen bastalǵan. Týystarynyń aitýynsha, saýda núktesine kelgen satyp alýshy syra alyp, aqshasyn tóleýden bas tartqan. Osy jaǵdaidan keiin tóbeles bastalǵan.
Kámeletke tolmaǵan balany óltirý faktisi boiynsha Almaty oblysynyń politsiia departamenti qylmystyq is qozǵady.
Qazirgi tańda kináli dep tanylǵan 7 adam ustalyp, ýaqytsha ustaý izoliatoryna qamaýǵa alynǵan.
Al 15 qazanda Ishki ister vitse-ministri taǵy úsh kúdiktini ustaǵanyn málim etti.
Sonymen qatar, Almaty oblystyq politsiia departamenti bastyǵynyń mindetin atqarýshy Shalqarov tóbelesten keiin qansha qarý tárkilengenin aitty.
Odan keiin Sherzattyń úiine kúzet qoiyldy.
Kóp uzamai marqum Sherzattyń úii órtendi.
