قازاقستاننىڭ ىشكى ىستەر مينيسترلىگى شەرزات بولاتتىڭ ولىمىنە قاتىستى تەرگەۋ قىلمىستىق كودەكستىڭ قانداي باپتارى بويىنشا جۇرگىزىلىپ جاتقانىن ايتتى، - دەپ حابارلايدى Dalanews.kz.
قىلمىستىق ىستەر مىنا باپتار بويىنشا جۇرگىزىلىپ جاتىر:
- الماتى وبلىسىنىڭ پوليسيا دەپارتامەنتى قىلمىستىق كودەكسىنىڭ 99-بابىنىڭ 2-بولىگى
(ادام ءولتىرۋ)، - 293-بابىنىڭ 3-بولىگى (بۇزاقىلىق)،
- 115-بابى (قورقىتۋ)،
- 432-بابى (قىلمىستى جاسىرىپ قالۋ)
- 434-بابىمەن (قىلمىس تۋرالى حابارلاماۋ) قىلمىستىق ىستەر تىركەلىپ، تەرگەۋ ءجۇرىپ جاتىر.
قازىرگى تاندا قاساقانا كىسى ولتىرۋگە قاتىستى كۇدىكپەن 8 ادام جانە قىلمىس تۋرالى حابارلاماۋ بويىنشا 3 ادام سوتتىڭ سانكسياسىمەن قاماۋعا الىندى.
ەسكە سالايىق، بۇعان دەيىن تالعاردا جاپپاي توبەلەس بولىپ، سالدارىنان 16 جاستاعى ءجاسوسپىرىم كوز جۇمدى. جانجال جىگىتتىڭ وتباسى جالعا الاتىن دۇكەننەن باستالعان. تۋىستارىنىڭ ايتۋىنشا، ساۋدا نۇكتەسىنە كەلگەن ساتىپ الۋشى سىرا الىپ، اقشاسىن تولەۋدەن باس تارتقان. وسى جاعدايدان كەيىن توبەلەس باستالعان.
كامەلەتكە تولماعان بالانى ءولتىرۋ فاكتىسى بويىنشا الماتى وبلىسىنىڭ پوليسيا دەپارتامەنتى قىلمىستىق ءىس قوزعادى.
قازىرگى تاڭدا كىنالى دەپ تانىلعان 7 ادام ۇستالىپ، ۋاقىتشا ۇستاۋ يزولياتورىنا قاماۋعا الىنعان.
ال 15 قازاندا ىشكى ىستەر ۆيسە-مينيسترى تاعى ءۇش كۇدىكتىنى ۇستاعانىن ءمالىم ەتتى.
سونىمەن قاتار، الماتى وبلىستىق پوليسيا دەپارتامەنتى باستىعىنىڭ مىندەتىن اتقارۋشى شالقاروۆ توبەلەستەن كەيىن قانشا قارۋ تاركىلەنگەنىن ايتتى.
ودان كەيىن شەرزاتتىڭ ۇيىنە كۇزەت قويىلدى.
كوپ ۇزاماي مارقۇم شەرزاتتىڭ ءۇيى ورتەندءى.
