IIM Eńbekshiqazaq aýdanynyń ýaqytsha ustaý izoliatorynda bolǵan jaǵdaiǵa pikir bildirdi. Kináliler jumystan qýylyp, baqylaý kúsheitildi, dep habarlaidy Dalanews.kz.
Almaty oblysy Eńbekshiqazaq aýdany ýaqytsha ustaý izoliatoryndaǵy jaǵdai boiynsha tekserý júrgizildi.
Videony ÝUI-diń burynǵy qyzmetkeri qyzmet múddelerine qaishy áreket jasap, júrgizgeni anyqtaldy. Ol bul úshin jeke uialy telefonyn paidalanǵan. Qyzmettik tártipti óreskel buzǵany úshin ol arnaiy sheninen aiyrylyp, teris sebeptermen jumystan qýyldy.
Sonymen qatar bul fakti boiynsha qylmystyq is qozǵaldy.
Qyzmettik tártipti óreskel buzǵany jáne tiisinshe baqylaý júrgizbegeni úshin 16 basshy men qyzmetker laýazymnan bosatylýǵa deiin qatań tártiptik jazaǵa tartyldy. Onyń ishinde ÝUI basshysy da laýazymnan bosatyldy.
IIM mundai buzýshylyqtarǵa múldem tózbeýshilik tanytyp, qatań tosqaýyl qoiady. Olar búkil quqyq qorǵaý júiesiniń bedeline nuqsan keltirip, azamattardyń qaýipsizdigin qamtamasyz etip, kúndelikti óz mindetterin adal oryndaityn qyzmetkerlerdiń atyna daq túsiredi.
Bolǵan jaǵdaiǵa bailanysty ÝUI-de rejimdi baqylaý kúsheitildi: qosymsha beinemonitoring sharalary engizilip, uqsas mekemelerde jospardan tys tekserýler bastaldy.
