Sherzat Bolattyń ólimine bailanysty qaralǵan qylmystyq is boiynsha sot úkimi shyqqan soń, sottalýshylardyń jaqyndary úkimge narazylyq bildirdi, dep habarlaidy Dalanews.kz.
Nurbol jáne Azamat Toqtaýbaevtyń anasy sot protsesiniń ádiletsiz ótkenin aitty.
“Búgingi sheshimmen múlde kelispeimin. Biz bári zań aiasynda sheshiledi dep úmittendik. Biraq bul jerde ne zań, ne ádildik joq. “On úsh bala” dep Qarjaýbai aitqan saiyn, sol on úsh balany terip júrip, qamap tastady. Tipti on alty jastaǵy kinásiz balany da túrmege japty. Jaraidy, bizdiń balalarymyz eresek. Biraq ol jas balany qoryqqannan ǵana kináli etip otyr. Bul — ádiletsizdik. Balalardyń taǵdyry oiynshyqqa ainaldy”, — deidi ol.
Aita keteiik, búgin Sherzat Bolattyń ólimine qatysty is boiynsha sot úkimi shyqty.
Sot otyrysy Jetisý oblysynyń qylmystyq ister jónindegi mamandandyrylǵan aýdanaralyq sotynyń ǵimaratynda ótti. Aiyptalýshylar oryndyǵynda toǵyz adam otyrdy, olardyń biri kámeletke tolmaǵan.
- Abzal Shynasyl 23 jylǵa sottaldy.
- Ravil Sakiev 20 jylǵa bas bostandyǵynan aiyryldy.
- Azamat Toqtaýbaev 15 jylǵa bas bostandyǵynan aiyryldy.
- Nurqiias Iliiasov 9 jylǵa bas bostandyǵynan aiyryldy.
- Shyńǵys Belǵojaev 7 jylǵa bas bostandyǵynan aiyryldy.
- Darhan Áskentai 7 jylǵa bas bostandyǵynan aiyryldy.
- Didar Qaliahmet 7 jylǵa bas bostandyǵynan aiyryldy.
- Nurbol Toqtaýbaev 7 jylǵa bas bostandyǵynan aiyryldy.
