Sherzat Bolattyń ólimine qatysty atyshýly is boiynsha sottalýshylarǵa úkim shyqty, dep habarlaidy Dalanews.kz.
Úkimdi sýdia Erjan Januzaqov oqydy.
Sot úkimine sáikes, basty sottalýshy Abzal Shynasyl qylmystyq kodekstiń 293-baby 3-bóligi (buzaqylyq), 99-baby 2-bóligi 5,9 jáne 14-tarmaǵy (adam óltirý), 24-baby 3-bóligi – 99-baby 2-bóligi 1,7 jáne 9-tarmaǵynda (adam óltirýge oqtalý) kórsetilgen qylmysty jasaǵany úshin kináli dep tanyldy. Ol 23 jylǵa bas bostandyǵynan aiyryldy.
Eske salaiyq, byltyr Talǵarda jappai tóbeles bolyp, saldarynan 16 jastaǵy jasóspirim Sherzat Bolat kóz jumdy.
Kámeletke tolmaǵan balany óltirý deregi boiynsha Almaty oblysynyń Politsiia departamenti qylmystyq is qozǵady. Sondai-aq, olardyń úii órtenip ketti.
Kóp uzamai, iaǵni 9 jeltoqsanda marqum Sherzat Bolattyń aǵasy Nurǵanat Ǵaiypbaev ajal qushty. Politsiia departamenti aldyn ala derekter boiynsha ol sýitsid jasaǵanyn málimdedi. Oǵan dálel retinde politseiler Nurǵanattyń týysyna messendjer arqyly jazǵan hatyn jariia etti.
Al marqum Sherzattyń ákesi baýyry Nurǵanat Ǵaiypbaevty jer qoinyna tapsyrǵanan keiin buqaralyq aqparat quraldarymen kezdesýdi talap etip, kóshege shyqty. Alaida araǵa uzaq ýaqyt salmai Qarjaýbai Nurymovty politsiia qyzmetkerleri ustap áketti. Artynsha Sherzat Bolattyń ápkesi qamaýǵa alyndy. Keiin Qarjaýbai Nurymov 15 táýlikke ákimshilik qamaýǵa alyndy.
