Quqyq qorǵaý organdary Sherzat Bolattyń isin sotqa jiberdi, dep habarlaidy Dalanews.kz.
Stan.kz málimetinshe, sot ókilderi qylmystyq is materialdarynyń qabyldanǵanyn rastaǵan.
Endi jábirlenýshilerdiń múddesin jańa qorǵaýshylar toby – Meiirman Shekeev, Álim Mustafaev, Bekzat Miiazov, Jandos Palmanov, Baǵdat Amandosuly, Nurbolat Ibraev jáne Dina Dosaeva qorǵaidy.
Qylmystyq is boiynsha toǵyz adam kúdikti dep tanylǵan:
• Shyńǵys Belgojaev
• Darhan Áskentai
• Nurqiias Iliasov
• Ravil Sakiev
• Nurbol Toqtaýbaev
• Didar Qaliahmet
• Azamat Toqtaýbaev
• Dýman Ysqaq
• Abzal Shynasyl
Alaida buǵan deiin tergeý organdary kúdiktiler sany 11 dep málimdegen bolatyn.
Tergeý barysynda 40 sot-meditsinalyq saraptama júrgizilip, 200-ge jýyq kýáger suralǵan. Kúdiktilerdiń aiǵaqtary muqiiat tekserilip, segiz beinejazba saraptalǵan. Qylmystyq istiń jalpy kólemi – 62 tom.
Buǵan deiin atalǵan qylmystyq istiń tergeýi aiaqtalǵany habarlanǵan edi. Tergeý materialdarynyń jalpy kólemi 62 tomdy quraidy. Onyń ishinde barlyq jinalǵan dáleldemeler, saraptama qorytyndylary, jaýap alý hattamalary jáne basqa da mańyzdy materialdar bar.
Árbir tergeý áreketi qylmystyq zańnama talaptaryna sáikes júrgizildi, tergeýdiń barlyq kezeńderinde zańdylyq, ashyqtyq jáne obektivtilik qamtamasyz etildi.
Tergeýdiń barysy jáne protsess qatysýshylarynyń konstitýtsiialyq quqyqtarynyń saqtalýy prokýratýra organdarynyń baqylaýynda boldy.
Eske salaiyq, 2024 jyly 4 qazanda Talǵarda 16 jastaǵy jasóspirim Sherzat Bolat qaza tapty. Araǵa biraz ýaqyt salyp Sherzattyń aǵvsy Nurqanat Ǵaiypbaev ta óli tabyldy.
