Talǵardaǵy jappai tóbeles kezinde qaza tapqan Sherzat Bolattyń aǵasy Nurqanat Ǵaiypbaevtyń otbasy ol sýitsid jasady degen aqparatty joqqa shyǵardy, dep habarlaidy Dalanews.kz Orda.kz-ke siltep.
Ǵaiypbaevtyń denesinde zorlyq belgileri anyqtalmaǵan. Alaida marqumnyń otbasy ol sýitsid jasady degenge senbeidi. Bul týraly Nurbolat Ǵaiypbaevtyń ápkesi aitqan.
Qazirgi tańda marqumnyń otbasy bul jaitqa qatysty qosymsha pikir berýden bas tartyp, qandai da bir túsirilim jasaýǵa tyiym salǵan. Olardyń sózinshe, Nurqanattyń denesi máiithanada, al politsiia tergeý júrgizip jatyr.
Sherzat Bolattyń otbasyn politsiia kúzetetin. Al Nurqanat Ǵaiypbaevtyń ózi túngi ýaqytta shyǵyp ketken eken.
Eske salaiyq, buǵan deiin Talǵardaǵy jappai tóbeles kezinde qaza tapqan Sherzat Bolattyń aǵasy Nurqanat Ǵaiypbaev kóz jumarynyń aldynda hat jazǵanyn habarlaǵan bolatynbyz.
Almaty oblysynyń Politsiia departamentiniń málimetinshe, aldyn ala málimetterge sáikes, ol asylyp, óz-ózine qol jumsaǵan.
Marqum aǵymdaǵy jyldyń 4 qazanynda qaiǵyly qaza tapqan kámeletke tolmaǵan Sherzat Polattyń aǵasy ekeni anyqtaldy.
Tergeý barysynda marqum týystarynyń birine ózine-ózi qol jumsaý týraly messendjerde jibergen jazbasy anyqtaldy. Habarlamada ol týysqandarymen qoshtasyp, jieniniń janyna jerleýdi surady.
Bul fakti boiynsha qylmystyq is qozǵaldy. Qazirgi ýaqytta barlyq jaǵdailardy anyqtaý úshin tergeý amaldary júrgizilip jatyr.
Buǵan deiin Talǵardaǵy jappai tóbeles kezinde qaza tapqan Sherzat Bolat tarapynyń advokaty Saida Táýekelova jasóspirimniń aǵasynyń óli tabylýyna qatysty málimdeme jasaǵan bolatyn.
Saida Táýekelova marqumnyń aǵasy Nurqanat Ǵaiypbaev kóz jumǵanyn rastady. "Chemodan gossekretov" telegram-arnasynda “Sherzat Bolattyń aǵasy tóbeles kezinde qarýdy birinshi alyp shyqqan, sol úshin ózin aiypty sezinip, óz-ózine qol salǵan” degen aqparat taraǵan.
"Marqumnyń tergeý barysynda bergen jaýaptarynan onyń qatty qobaljyǵanyn, inisiniń ólimine ózin kináli dep sanaǵanyn baiqaýǵa bolady. Sýitsid jasaýynyń da sebebi sol bolýy múmkin", delingen telegramdaǵy jazbada.
Advokat Táýekelova bul nusqany joqqa shyǵardy.
Politsiia da Nurqanat Ǵaiypbaevtyń mert bolǵanyn rastady
Almaty oblystyq politsiia departamenti málimetinshe, Talǵar qalasynyń mańynan 30 jastaǵy er adamnyń denesi tabylǵan. Aldyn ala málimetterge sáikes, ol asylyp, óz-ózine qol jumsaǵan.
"Marqum biyl 4 qazanda qaiǵyly jaǵdaida qaza tapqan kámeletke tolmaǵan Sherzat Bolattyń aǵasy ekeni anyqtaldy. Bul derek boiynsha qylmystyq is qozǵaldy. Qazir barlyq jaǵdaidy anyqtaý úshin tergeý júrgizilip jatyr. Qylmystyq sipattaǵy qandai da bir belgiler anyqtalmady", - dep jazylǵan habarlamada.
Politsiia marqum Sherzat Bolattyń otbasy barlyq ýaqytta politseilerdiń qorǵaýynda bolǵanyn málimdedi.
"Marqumnyń otbasyna qatysty qandai da bir qaýip-qater tirkelgen joq. Kúzetken qyzmetkerlerdiń sózinshe, er adam kúzetiletin nysannan saǵat 23:30-da shyǵyp, jeke kólikpen ketke. Tergeý múddesi úshin ózge de aqparat jariialanbaidy", - dep jazylǵan habarlamada.
Politsiia tek resmi derekkózderge senýdi surady. Sondai-aq, jalǵan aqparat taratý qylmystyq jaýapkershilikke deiin ákelýi múmkin kenin eske saldy.
Eske salaiyq, buǵan deiin Talǵarda jappai tóbeles bolyp, saldarynan 16 jastaǵy jasóspirim kóz jumdy. Janjal jigittiń otbasy jalǵa alatyn dúkennen bastalǵan. Týystarynyń aitýynsha, dúkenge kelgen satyp alýshy syra alyp, aqshasyn tóleýden bas tartqan. Osy jaǵdaidan keiin tóbeles bastalǵan.
Kámeletke tolmaǵan balany óltirý deregi boiynsha Almaty oblysynyń politsiia departamenti qylmystyq is qozǵady. Qazir kúdiktiler ustalyp, ýaqytsha ustaý izoliatoryna qamaýǵa alynǵan.
Almaty oblystyq politsiia departamenti bastyǵynyń mindetin atqarýshy Shalqarov tóbelesten keiinqansha qarý tárkilengenin de aitty.
Odan keiin Sherzattyń úiine kúzet qoiyldy. Kóp uzamai marqum Sherzattyń úii órtendi.
