Shendilerdiń jer satýdaǵy qylmysy áshkere boldy
– Men Qosshy boiynsha naqtylap ótkim keledi. Onda júzdegen qatysýshylar bolǵan, sandar keltirilgen, barlyq jerde xabarlamalar ilingen, buny barlyǵy bilgen. Ol jerlerdi tipti memlekettik qyzmetkerler de satyp alypty, ákimder, prokýrorlar, barlyǵy xabardar bolǵan. Sonda kartop ósiretin alqapta jer berilip jatqanyn barlyq xalyq bilgen. Depýtat bolǵan kezimde men de ol jerler satylyp jatqanyn estigenmin. Búkil xalyq satyp alyp jatty, – dedi ol búgin jerlerdi zańsyz basyp alýǵa qatysty ótken alqa májilisiniń otyrysynda.
Bas prokýrordyń sózinshe, ol qylmystyq is qazir tergelip jatyr, 15 adam qamaýda, olardyń basym bóligi sheneýnikter. 24 adam qylmystyq iske tartyldy. «Jaqynda isti sotqa joldaimyz. Tergeý jumystaryn Bas prokýratýra júrgizýde. Sottyń sheshimin kútpei-aq buǵan qatysy bolǵan ózge de sheneýnikterge jaza qoldanatyn bolamyz. Sondyqtan men tergeý tobynan jerler zańsyz satylyp jatqanyn bilgen, biraq esh áreket jasamaǵan sheneýnikterdiń tizimin kútip otyrmyn. Kóz aldarynda osy bylyqty kórdi, toqtaý salmady, biraq qazir áli kúnge deiin memleketke qyzmet etýin jalǵastyrýda. Ondailardy memlekettik qyzmetten jelkelep qýý kerek», – dep eskertti J. Asanov.
Vedomstvo basshysynyń sózinshe, Qosshy sheneýnikteriniń kesirinen 500 otbasy japa shekti. "Ol eń joǵary deńgeide talqylandy. Adamdar jalǵan sheneýnikterge aldanyp qaldy. Shynynda olar ol kezde sheneýnik bolmaǵan, biraq osy iste barlyq qujattardy bilgendikten, qujattardy ońai qoldan jasaǵan", – dep túidi oiyn J.Asanov.
