Pavlodar oblysynyń turǵyny memlekettik shekaradan zańsyz patron alyp ótpek bolǵany úshin jaýapqa tartyldy, dep habarlaidy Dala News.
Sot málimetinshe, oqiǵa 2026 jylǵy 21 qańtarda «Naiza» shekaralyq baqylaý bóliminde bolǵan. Azamat jeke Chevrolet Niva avtokóligimen memlekettik shekarany kesip ótpek bolǵan.
Kólikti tekserý barysynda onyń júksalǵyshynan 12 kalibrli 4 ańshylyq patrony tabylǵan. Tergeý kezinde er adamnyń bul patrondardy ishki ister organdarynda tirkemei zańsyz saqtap, tasymaldaǵany anyqtalǵan.
Sotta quqyq buzýshy kinásin tolyq moiyndap, patrondardy saqtaýǵa, ákelýge nemese áketýge qatysty eshqandai ruqsat qujaty joq ekenin aitqan.
Ýspen aýdandyq sotynyń sheshimimen azamat Ákimshilik quqyqbuzýshylyq týraly kodekstiń 482-baby 1-bóligi boiynsha kináli dep tanylyp, oǵan 60 550 teńge kóleminde aiyppul salyndy. Sonymen qatar tabylǵan patrondar tárkilendi.
Sot qaýlysy zańdy kúshine endi.
