ShQO ákimi Danial Ahmetov jumys saparymen Katonqaraǵai aýdanynda boldy. Bul týraly aimaq basshysy áleýmettik jelilerdegi paraqshalarynda jazdy.
Birqatar aýyldardy aralap, shekara mańyndaǵy aýmaqtardy damytý týraly aimaqtyq baǵdarlama aiasynda atqarylyp jatqan jumystardyń barysymen tanysqanyn jetkizdi.
«Jalpy atalmysh baǵdarlama boiynsha Katonqaraǵai aýdanynda 6 milliardtan astam teńgege 76 joba júzege asyryldy. Onyń ishinde 24 jobany Jumyspen qamtý jol kartasy qamtydy. Nátijesinde 20 mektepte, 6 mádeni oshaqta jóndeý jumystary júrgizildi. Aýylaralyq 30 shaqyrym jolǵa asfalt tóseldi.
Katonqaraǵai aýylyndaǵy saiabaq tolyq abattandyrýdan ótti. Jaqynda osy saiabaqta Altaidyń asqar jazýshysy Didahmet Áshimhanovqa ádemi eskertkish ashyldy.
Aýylda sondai-aq, zamanaýi talaptarǵa sai jabyq basseini bar dene shynyqtyrý-saýyqtyrý kesheni boi kóterip jatyr. Keler jyldyń mamyr aiyna deiin jumystar tolyq aiaqtalyp, nysan qoldanysqa beriledi dep josparlanýda. Jobanyń jalpy quny 730 mln. teńge. Merdiger kompaniia biyl negizgi qurylys-montaj jumystaryn aiaqtaýǵa nietti. Sonymen qatar, qazandyqty salyp, injenerlik kommýnikatsiia jelilerin de osy jyly júrgizedi.
Eki jyl buryn Soldatovo aýylynda bolǵanmyn. Sol kezde eldimekendegi mádeniet úiin jóndeýge qarajat bólýdi tapsyrǵan edim. Búgin atqarylǵan jumystyń nátijesi kóńilimnen shyqty. Klýb ishinde, sonymen qatar, dárigerlik ambýlatoriia, sport zaldar, jergilikti ákimshilik oryn tepken. Aýylǵa sondai-aq, ortalyqtandyrylǵan sý qubyrlary tóseldi. Búginde 200-ge tarta abonent qosylǵan»
Aita ketý kerek, sońǵy jyldary Katonqaraǵai aýdanyndaǵy 9 aýylǵa sý tartyldy. Buǵan qosa kópbalaly analardy qoldaý baǵdarlamasy da oidaǵydai júzege asýda dep jazady Danial Ahmetov.
Qazirgi tańda aýdan ortalyǵynda eki páterli 10 úidiń qurylysy aiaqtalýǵa shaq qaldy. Taǵy 30 páterli kópqabatty úi salý jospary tur.
