Milanda ótip jatqan 2026 jylǵy qysqy Olimpiada oiyndarynda qazaqstandyq mánerlep syrǵanaýshy Mihail Shaidorov tarihi jeńiske jetip, el qorjynyna alǵashqy altyn medaldi saldy, dep habarlaidy Dalanews.kz.
13-inen 14 aqpanǵa qaraǵan túni erler arasyndaǵy jekelei syrǵanaýda Shaidorov erkin baǵdarlama qorytyndysy boiynsha 198.64 upai jinap, qysqa baǵdarlamamen qosa eseptegende 291.58 upaimen birinshi orynǵa shyqty. Osylaisha, ol Qazaqstan quramasyna osy Olimpiadadaǵy alǵashqy altyndy ǵana emes, el tarihyndaǵy mánerlep syrǵanaýdan tuńǵysh altyn júldeni syilady.
Prezident Qasym-Jomart Toqaev Mihail Shaidorovty qysqy Olimpiada chempiony atanýymen quttyqtady. Aqorda málimetinshe, Memleket basshysy bul jeńisti tarihi mańyzy bar orasan jetistik dep atap, sportshynyń joǵary sheberligi men jeńiske degen jigerine alǵys bildirgen.
Prezidenttiń tapsyrmasymen Mihail Shaidorov II dárejeli «Barys» ordenimen marapattalmaq. Sonymen qatar, jattyqtyrýshylar quramy men salalyq ministrlik basshylyǵynyń eńbegi de erekshe atalyp, rizashylyq bildirildi.
Olimpiada altyny Qazaqstan sportynyń jańa kezeńin ashty.
