ميلاندا ٶتٸپ جاتقان 2026 جىلعى قىسقى وليمپيادا ويىندارىندا قازاقستاندىق مەنەرلەپ سىرعاناۋشى ميحايل شايدوروۆ تاريحي جەڭٸسكە جەتٸپ, ەل قورجىنىنا العاشقى التىن مەدالدٸ سالدى, دەپ حابارلايدى Dalanews.kz.
13-ٸنەن 14 اقپانعا قاراعان تٷنٸ ەرلەر اراسىنداعى جەكەلەي سىرعاناۋدا شايدوروۆ ەركٸن باعدارلاما قورىتىندىسى بويىنشا 198.64 ۇپاي جيناپ, قىسقا باعدارلامامەن قوسا ەسەپتەگەندە 291.58 ۇپايمەن بٸرٸنشٸ ورىنعا شىقتى. وسىلايشا, ول قازاقستان قۇراماسىنا وسى وليمپياداداعى العاشقى التىندى عانا ەمەس, ەل تاريحىنداعى مەنەرلەپ سىرعاناۋدان تۇڭعىش التىن جٷلدەنٸ سىيلادى.
پرەزيدەنت قاسىم-جومارت توقاەۆ ميحايل شايدوروۆتى قىسقى وليمپيادا چەمپيونى اتانۋىمەن قۇتتىقتادى. اقوردا مەلٸمەتٸنشە, مەملەكەت باسشىسى بۇل جەڭٸستٸ تاريحي ماڭىزى بار وراسان جەتٸستٸك دەپ اتاپ, سپورتشىنىڭ جوعارى شەبەرلٸگٸ مەن جەڭٸسكە دەگەن جٸگەرٸنە العىس بٸلدٸرگەن.
پرەزيدەنتتٸڭ تاپسىرماسىمەن ميحايل شايدوروۆ II دەرەجەلٸ «بارىس» وردەنٸمەن ماراپاتتالماق. سونىمەن قاتار, جاتتىقتىرۋشىلار قۇرامى مەن سالالىق مينيسترلٸك باسشىلىعىنىڭ ەڭبەگٸ دە ەرەكشە اتالىپ, ريزاشىلىق بٸلدٸرٸلدٸ.
وليمپيادا التىنى قازاقستان سپورتىنىڭ جاڭا كەزەڭٸن اشتى.
