Ózbekstan prezıdenti Shavkat Mırzıóev ótken jyldyń aıaǵynda ǵana saılanǵan depýtattarmen alǵash ret kezdesýinde Eýrazıalyq ekonomıkalyq odaqqa qatysty oı-pikirin ashyq aıtty, – dep habarlaıdy Dalanews.kz aqparattyq agenttigi.

– Bizdiń kóptegen azamattarymyz Qazaqsten men Reseıge baryp jumys isteıdi. Árıne, buǵan beı-jaı qaraı almaıtynymyz anyq. Biraq men bir jaıtty ashyp aıtaıyn, halyqtyń kókeıinde kúmán-kúdik bolmasyn. Bizdi eshqandaı el eshqashan táýelsizdikti aıyra almaıdy. Táýelsizdik halyq senim artqan prezıdenttiń qolynda. Biz Eýrazıalyq ekonomıkalyq odaqqa múshe bolmaımyz,  – dep Shavkat Mırzıóev oıyn ashyp aıtty.  

Sonymen qatar Ózbekstan prezıdenti Eýrazıalyq ekonomıkalyq odaqqa baqylaýshy bolý, múshe bolý emes ekenin de halyqtyń esine saldy.

Óz kezeginde Shavkat Mırzıóev atalmash odaqpen qarym-qatynas kezinde Ózbekstannyń ulttyq múddesi birinshi orynda turatynyn alǵa tartty.