Kaspi.kz Culper Research jariialaǵan zertteý esebine túsinikteme berdi.
Mihail Lomtadze, Kaspi.kz kompaniiasynyń basshysy jáne negizin qalaýshylardyń biri:
«Bul – alypsatarlardyń jasaǵan shabýyly, onyń maqsaty — qysqa merzimdi saýdagerlerdiń jyldam paida tabýyn qamtamasyz etý. Esep shyndyqqa janaspaidy, qate aqparat berip, investorlardy shatastyrý úshin ádeii jasalǵan. Biz aktsiialary 2020 jyldan bastap London qor birjasynda satylǵan jáne jaqynda NASDAQ-ta satyla bastaǵan, retteletin, ashyq kompaniiamyz. Retteýshi qoiǵan talaptarǵa sáikes únemi aqparatty ashyq jariialaimyz. NASDAQ-taǵy sońǵy IPO barysynda keń aýqymdy quqyqtyq tekserýden óttik. Óz ónimderimizge, eseptiligimizge, sáikestik baǵdarlamalaryna jáne baqylaý quraldaryna senimdimiz. Ádettegidei uzaqmerzimdi strategiiamyzǵa nazar aýdaramyz».
Kaspi.kz týraly
Kaspi.kz-tiń missiiasy – súiikti klientterimiz ben seriktesterimizdiń ómirin jaqsartatyn innovatsiialyq ónimder men qyzmetterdi jasaý. Innovatsiialardyń ortasynda elimizdegi eń tanymal Kaspi.kz mobildi sýperqosymshasy tur, ony 14 millionnan astam qazaqstandyq paidalanady. Qosymsha elimizdegi jetekshi elektrondy saýda, tólem jáne qarjylyq qyzmetterdi qamtidy.
Kaspi.kz sýperqosymshasy arqyly qazaqstandyqtar tegin jetkizý arqyly tiimdi onlain zat satyp alady, komissiiasyz tólemder men aýdarymdar jasaidy, jeke qarajattaryn basqaryp, ushaq jáne poiyz biletterin, týrlar satyp alady jáne eń tanymal memlekettik qyzmetterdi paidalanady.
Kaspi.kz biznes úshin Kaspi Pay sýperqosymshasyn da jasady, ony Qazaqstandaǵy 700 myńǵa jýyq kásipker paidalanady. Kaspi Pay arqyly kásipkerler biznesin damytýǵa qarjy alyp, tólem qabyldaidy, jarnamalyq kampaniialardy iske qosady, salyq tóleidi, elektrondy kommertsiia platformasyna jáne jetkizý qyzmetine qosylady, onyń kómegimen taýarlaryn búkil el aýmaǵynda satady.
