Tilshiler aldymen Qazyǵurt aýdanyndaǵy Turbat aýyldyq okrýgindegi baqsha ónimderimen ainalysatyn «Saidýsman ata» sharýa qojalyǵynyń jumysymen tanysty. Jeti birdei otbasy múshelik etetin qojalyq 2012 jyly qurylǵan. Qojalyq tóraǵasy Saidaly Tursynov jobany bastaýǵa jeke qarajatynan 45 mln. teńge jumsaǵan.
– 2017 jyly 500 myń túp kóshet daiyndaldy. Al 2018 jyly 1,5 mln. túp kóshet daiyndap, oblys kóleminde satylymǵa shyǵarýdy josparlap otyrmyz. Sondai-aq, 2017 jyldyń birinshi maýsymynda 2,5 gektar jylyjaiǵa qyzanaq egip, 210 tonna ónim alsaq, ekinshi maýsymda sol orynǵa qiiar egip, 140 tonna ónim jinadyq. Taýarymyzǵa degen suranys Astana, Almaty qalalarynan bólek, Reseiden túsip jatyr, – dedi Saidaly Tursynov.
Qazirgi tańda qojalyqta 35 adam turaqty jumyspen qamtylsa, 40 adam maýsymdyq jumystarǵa tartylady. Ortasha ailyq jalaqylary 50 myń teńge kóleminde. Qojalyq iesi aldaǵy ýaqytta sharýashylyǵyn mal bordaqylaý alańy men intentsivti baýmen tolyqtyrýdy josparlap otyr.
BAQ ókilderi keiin Turbat aýyldyq okrýgindegi mal bordaqylaýmen ainalysatyn «Saidahmat ata» sharýa qojalyǵyna aialdady. 25 adamdy turaqty jumyspen qamtyp otyrǵan qojalyq búginde 200-ge jýyq aqbas tuqymdy iri qarany baǵyp otyr. Mal bordaqylaý alańyn iske qosýǵa 15 mln. teńge qarjy jumsalypty. Onyń 3 mln. teńgesin Aýyl sharýashylyǵyn qoldaý qorynan nesiege alǵan.
OQO ákiminiń baspasóz qyzmeti
