Sharýalar jaz boıǵy jumysyn qorytyndylady

Dalanews 12 qaz. 2018 12:02 716

Tólebı aýdanynda aýylsharýashylyǵy ónimderiniń jármeńkesi jáne asyl tuqymdy mal sharýashylǵy, aýyl sharýashylyq tehnıkalarynyń kórmesi boldy.

Merekelik baǵdarlama ár aýyl jeke-jeke taqyrypqa saı, ústinde okrýgte óndirilgen ónimderdiń kórmesimen bezendirilgen júk kólikpen jáne aýylsharýashylyq ozattary bastaǵan sala mamandarynyń merekelik sherýinen bastaldy.

Sahna tórine Tólebı aýdanynyń ákimi Baýyrjan Omarbekov shyǵyp merekelik quttyqtaý sózderin aıtty. Egin sharýashylyǵy boıynsha astyq egip úzdik kórsetkishterge qol jetkizgender, jańadan qurylǵan aýyl shaýrashylyǵy óndiristik kooperatıvteri, aýyl sharýashylyǵy ónimderin óńdeýmen aınalysatyn sharýa qojalyqtary aýdan ákiminiń marappataýyna jáne syılyqtarǵa ıe boldy.

Etti taýyq sharýashylyǵyn damytý baǵytynda jumys jasap jatqan sharýashylyqtar, kókónis, jemis-jıdek jáne et ónimderin qaıta óńdeý baǵytynda qyzmet etetin kásipkerler, Jemis-jıdek, júzim jáne kókónis egip, úzdik kórsetkishterge qol jetkizgen, aýyl sharýashylyǵy salasyna joǵarǵy kórsetkishterge qol jetkizgenderi úshin Aýdan ákiminiń alǵys hatymen aýdandyq máslıhatynyń hatshysy Nurlan Qoıbaǵarov marapattady.

Sondaı aq, Túrkistan oblysy ákiminiń orynbasary aýyl sharýashylyǵy salasynyń damýyna eseli úles qosqan aýyl ákimderimen mekeme qyzmetkerlerin marapattady.

Aýdandyq ardagerler keńesiniń tóraǵasy Átirhan Shyńǵysbaev ozat kombaıner men mehanızatorlardy, aýylsharýashylyǵynda joǵary kórsetkishterge qol jetkizgen jeke sharýa qojalyqtary men buqaralyq aqparat quraldarynyń úgit-nasıhat jumystaryn júrgizgen qyzmetkerlerdi quttyqtady.

Marpattaý rásiminen keıin ortalyq alańda sporttyń úsh túrinen qalalyq birinshilik uıymdastyrylyp ótkizildi. Qazaqsha kúres, qoshqar kóterý jáne qol kúres syndy sport túrlerinen kúsh synasty.

Qoshqar kóterý sportynan 20-41 áskerı bóliminiń desanty shabýldaýshy zastavasynyń aǵa baǵalaýshysy sol qoshqardy ıelendi.

Qatysýshylarǵa arnaıy baǵaly syılyqtar men dıplomdar tabystaldy.

Sondaı aq, ortalyq alańda ár aýyldyq okýrgterden kıiz úı ornatylyp, merekelik dastarhan jaıylǵan.

Usynylǵan
Sońǵy jańalyqtar