Мерекелік бағдарлама әр ауыл жеке-жеке тақырыпқа сай, үстінде округте өндірілген өнімдердің көрмесімен безендірілген жүк көлікпен және ауылшаруашылық озаттары бастаған сала мамандарының мерекелік шеруінен басталды.
Сахна төріне Төлеби ауданының әкімі Бауыржан Омарбеков шығып мерекелік құттықтау сөздерін айтты. Егін шаруашылығы бойынша астық егіп үздік көрсеткіштерге қол жеткізгендер, жаңадан құрылған ауыл шаурашылығы өндірістік кооперативтері, ауыл шаруашылығы өнімдерін өңдеумен айналысатын шаруа қожалықтары аудан әкімінің мараппатауына және сыйлықтарға ие болды.

Сондай ақ, Түркістан облысы әкімінің орынбасары ауыл шаруашылығы саласының дамуына еселі үлес қосқан ауыл әкімдерімен мекеме қызметкерлерін марапаттады.
Аудандық ардагерлер кеңесінің төрағасы Әтірхан Шыңғысбаев озат комбайнер мен механизаторларды, ауылшаруашылығында жоғары көрсеткіштерге қол жеткізген жеке шаруа қожалықтары мен бұқаралық ақпарат құралдарының үгіт-насихат жұмыстарын жүргізген қызметкерлерді құттықтады.

Қошқар көтеру спортынан 20-41 әскери бөлімінің десанты шабулдаушы заставасының аға бағалаушысы сол қошқарды иеленді.
Қатысушыларға арнайы бағалы сыйлықтар мен дипломдар табысталды.
Сондай ақ, орталық алаңда әр ауылдық окургтерден киіз үй орнатылып, мерекелік дастархан жайылған.