Qazaqstandyq sharýalar jańa Sý kodeksine sáikes, 2 mln tekshe metrge deiin erigen qar sýyn óz betinshe jinai alady, – dep habarlaidy Dalanews.kz.
Jańa Sý kodeksine sáikes, sý paidalanýshylar aýyl sharýashylyǵy qajettilikteri úshin erigen qar sýyn arnaiy ruqsatsyz óz betinshe jinai alady. Bul úshin kólemi 2 mln tekshe metrden aspaityn toǵan, sý qoimasy nemese ózge de qoima salý qajet.
Erigen qar sýyn jinaýǵa arnalǵan gidrotehnikalyq qurylymdar qaýipsizdik talaptaryna sai bolýy tiis, ózendermen, kóldermen jáne basqa da sý nysandarymen bailanyspaýy kerek ári qorshaǵan ortaǵa ziian keltirmeýi qajet. Qurylys aiaqtalǵannan keiin basseindik sý inspektsiiasyn habardar etip, bul nysandy arnaiy tizimge engizý qajet.
Bul shara diqandardy sýarmaly sýmen qamtamasyz etýdi jaqsartýǵa jáne Qazaqstandaǵy aýyl sharýashylyǵynyń damýyna baǵyttalǵan.
Jańa Sý kodeksine Memleket basshysy biyl 9 sáýirde qol qoiǵan bolatyn. Qujat 10 maýsymda kúshine enedi.
– Jańa Sý kodeksi Qazaqstandaǵy sý salasynyń barlyq baǵyttaryn qamtidy. Onyń basty mindetteri – sý únemdeý jónindegi jalpyulttyq saiasatty qalyptastyrý jáne damytý, eldi mekenderde sýmen jabdyqtaý jáne sý burýdy retteý, balama sý kózderin (jańbyr jáne erigen qar sýlary, tazartylǵan aǵyn sýlar, tushytylǵan tuzdy sýlar) paidalaný, sondai-aq sý resýrstaryn qorǵaý men tiimdi paidalaný deńgeiin arttyrý, – dedi Sý saiasaty departamentiniń direktory Serikjan Beketaev.
