Búgin Qyzylaǵash aýyldyq okrýgindegi «Kvitko» sharýa qojalyǵynyń qyzylsha alqabynda bolǵan oblys basshysy A. Batalov aýyl sharýashylyǵy jumystarynyń barysymen tanysty. Alqap basynda aýdannyń agrarlyq salasyndaǵy sharalar týraly baiandaǵan Aqsý aýdanynyń ákimi Á. Dalbaǵaevtyń aitýynsha, aýdanda 6 servistik-daiyndaý ortalyǵy bar bolsa, 2018 jyly qant qyzylshasy baǵytynda 3 SDO qurylǵan. Jalpy bul ortalyqtarǵa 51 zamanaýi tehnika satyp alynyp, igiligin sharýalar kórip otyr. Ótken jyly 56800 tonna tátti túbir jinaǵan aqsýlyqtar jerden alar ónimdi biyl 71 200 tonnaǵa jetkizemiz dep josparlaǵan.
Sharýashylyq jetekshisi Aleksandr Kvitko Úkimet qoldaýymen alynǵan qant qyzylshasynyń frantsýzdyq tuqymynan shyǵatyn ónimniń qanttylyǵy keminde 22% bolatynyn aitty. Jalpy osy alqaptaǵy 50 gektar jerdiń ónimi orta eseppen 700 tsentnerden ainalady dep kútilýde. Úlgi úshin qazyp alynǵan tátti túbirdi tarazyǵa tartqan alqap basyndaǵylar bir túp qyzylshanyń kemi eki keliden tórt kelige deiin tartqanyn kórdi. Eger osy alqaptaǵy ár túbirdiń ortasha salmaǵy osyndai mólsherde bolsa, kútilip otyrǵan 700 tsentner kórsetkishtiń ornyna ónimniń shyǵymdylyǵy 800 tsentnerden ainalýy da ǵajap emes. Óz kezeginde oblys basshysy A.Batalov Aqsý aýdanynyń irrigatsiialyq júieleri tolyq jóndelip bitkennen keiin sharýalar egis alqaby ainalymyn kóbeitýge múmkindik alatynyn atap ótti.
