بٷگٸن قىزىلاعاش اۋىلدىق وكرۋگٸندەگٸ «كۆيتكو» شارۋا قوجالىعىنىڭ قىزىلشا القابىندا بولعان وبلىس باسشىسى ا. باتالوۆ اۋىل شارۋاشىلىعى جۇمىستارىنىڭ بارىسىمەن تانىستى. القاپ باسىندا اۋداننىڭ اگرارلىق سالاسىنداعى شارالار تۋرالى بايانداعان اقسۋ اۋدانىنىڭ ەكٸمٸ ە. دالباعاەۆتىڭ ايتۋىنشا, اۋداندا 6 سەرۆيستٸك-دايىنداۋ ورتالىعى بار بولسا, 2018 جىلى قانت قىزىلشاسى باعىتىندا 3 سدو قۇرىلعان. جالپى بۇل ورتالىقتارعا 51 زاماناۋي تەحنيكا ساتىپ الىنىپ, يگٸلٸگٸن شارۋالار كٶرٸپ وتىر. ٶتكەن جىلى 56800 توننا تەتتٸ تٷبٸر جيناعان اقسۋلىقتار جەردەن الار ٶنٸمدٸ بيىل 71 200 تونناعا جەتكٸزەمٸز دەپ جوسپارلاعان.
شارۋاشىلىق جەتەكشٸسٸ الەكساندر كۆيتكو ٷكٸمەت قولداۋىمەن الىنعان قانت قىزىلشاسىنىڭ فرانتسۋزدىق تۇقىمىنان شىعاتىن ٶنٸمنٸڭ قانتتىلىعى كەمٸندە 22% بولاتىنىن ايتتى. جالپى وسى القاپتاعى 50 گەكتار جەردٸڭ ٶنٸمٸ ورتا ەسەپپەن 700 تسەنتنەردەن اينالادى دەپ كٷتٸلۋدە. ٷلگٸ ٷشٸن قازىپ الىنعان تەتتٸ تٷبٸردٸ تارازىعا تارتقان القاپ باسىنداعىلار بٸر تٷپ قىزىلشانىڭ كەمٸ ەكٸ كەلٸدەن تٶرت كەلٸگە دەيٸن تارتقانىن كٶردٸ. ەگەر وسى القاپتاعى ەر تٷبٸردٸڭ ورتاشا سالماعى وسىنداي مٶلشەردە بولسا, كٷتٸلٸپ وتىرعان 700 تسەنتنەر كٶرسەتكٸشتٸڭ ورنىنا ٶنٸمنٸڭ شىعىمدىلىعى 800 تسەنتنەردەن اينالۋى دا عاجاپ ەمەس. ٶز كەزەگٸندە وبلىس باسشىسى ا.باتالوۆ اقسۋ اۋدانىنىڭ يرريگاتسييالىق جٷيەلەرٸ تولىق جٶندەلٸپ بٸتكەننەن كەيٸن شارۋالار ەگٸس القابى اينالىمىن كٶبەيتۋگە مٷمكٸندٸك الاتىنىن اتاپ ٶتتٸ.
