Qanat Sharlapaev "Atameken" Ulttyq kásipkerler palatasynyń basqarma tóraǵasy qyzmetine úmitker retinde qarastyrylyp jatyr. Bul týraly túrli derekkózder jazdy, dep habarlaidy Dalanews.kz.
Memlekettik qyzmetten keter aldynda Qanat Sharlapaev Qazaqstan Respýblikasy Prezidentiniń ekonomikalyq máseleler jónindegi kómekshisi qyzmetin atqardy. Buǵan deiin ol ónerkásip jáne qurylys ministri, sondai-aq, "Báiterek" ulttyq basqarýshy holdinginiń basqarma tóraǵasy bolǵan.
Aita keteiik, Qanat Sharlapaev Resei Federatsiiasynyń Saratov oblysynda dúniege kelgen, uzaq ýaqyt Qazaqstannan tys jerde ómir súrip, eńbek etken. Memlekettik qyzmetke kelgenge deiin Resei men Ulybritaniianyń azamattyǵyna ie bolǵan, al Qazaqstan azamattyǵyn elge oralǵannan keiin alǵan.
Mansabynyń edáýir bóligi halyqaralyq bankte ótken. Onda ol Resei naryǵymen jáne TMD elderimen bailanysty jobalarda jumys istegen.
