Almaty oblysyndaǵy Sharyn ulttyq parkinde sirek kezdesetin ári qyzyl kitapqa engen qaraquiryqty zańsyz aýlaǵan brakonerler ustaldy, dep habarlaidy Dalanews.kz.
Tekserý kezinde olardyń kóliginen janýardyń óleksesi men atys qarýy tabylǵan. Qazir atalǵan derek boiynsha qylmystyq is qozǵalyp, tergeý júrgizilýde.
Oqiǵa 1 tamyz kúni ulttyq parktiń aýmaǵynda júrgizilgen reid barysynda anyqtalǵan. Qoryqshylar kúdik týdyrǵan avtokólikti tekserý kezinde bagaj bóliginen oqqa ushqan janýardyń denesin tapqan.
Aldyn ala boljam boiynsha, ol Qazaqstannyń qyzyl kitabyna engizilgen qaraquiryq (Gazella subgutturosa) bolýy múmkin. Kólik ishinen 12-kalibrli myltyq ta tárkilengen.
Ulttyq park qyzmetkerleriniń shaqyrýymen oqiǵa ornyna politsiia kelip jetti.
Almaty oblystyq Politsiia departamenti kúdiktilerge qatysty QR Qylmystyq kodeksiniń 337-baby («Zańsyz ańshylyq») boiynsha is qozǵalǵanyn málimdedi. Qazirgi tańda oqiǵanyń jai-japsary anyqtalýda, saraptama jumystary júrgizilip jatyr.
Kontekst retinde aita ketsek, qaraquiryq Qazaqstannyń «Qyzyl kitabyna» alǵash ret 1978 jyly engizilgen. Bul janýardyń sany sońǵy onjyldyqtarda brakonerlik pen tirshilik etý ortasynyń tarylýyna bailanysty kúrt azaiǵan.
Sondyqtan oǵan zań boiynsha erekshe qorǵaý sharalary qoldanylyp, ańshylyq jasaýǵa qatań tyiym salynǵan.
