Shardaralyq sharýalar innovatsiialyq tehnologiialardy meńgerýde
Adam kúshin tolyqtai tehnikamen almastyratyn bul tásildiń ereksheligi – sharýalar mol ónimge qol jetkizedi. Aitalyq, byltyrǵy jyly osy sharýashylyq ár gektarynan 55 tsentnerden aq ulpa jinaǵan.
– Orta eseppen alatyn bolsaq, byltyr aýdanda maqtanyń orta óniminiń kólemi gektaryna 28,4 tsentnerdi quraǵan bolsa, osy sharýashylyqtyń ózinde bul kórsetkish 55 tsentnerge jetti. Iaǵni, innovatsiialyq tehnologiiany engizýdiń arqasynda bir sharýanyń ózi eki ese ónimge qol jetkizip otyr. Osynaý ádisterdiń tiimdiligin jáne utqyrlyǵyn jergilikti basqa da sharýalarǵa túsindirip, nasihattap kelemiz. Sonyń nátijesi bolar, biyl "Iirjaragro" JShS-nan bólek, taǵy da úsh sharýashylyq tamshylatyp sýǵarý ádisine kóship otyr, – deidi bul rette aýdan ákimi.
Jalpy, Shardarada aýyl sharýashylyǵy boiynsha 243 myń gektar jer bolsa sonyń 64 myń gekter jeri sýarmaly. Sýarmaly jerlerdiń 60 myń gektarǵa jýyǵy tolyǵymen igerilip, 24 gektarǵa maqta egiligen. Elbasynyń sýarmaly jerlerdiń kólemin 600 myń gektarǵa kóbeitý tapsyrmasy aiasynda da aýdanda tiisti jumystar atqarylyp jatyr. Oǵan mysal retinde, Jaýshyqum aýyldyq okrýgindegi 12192 gektar jerdi sýǵarýǵa múmkindiktiń tabylǵanyn aitýǵa bolady. Ol úshin Syrdariia ózeninen sý tartý jumystary júrgizilýde. Oǵan «Qazsýshar» respýblikalyq mekemesi atsalysyp keledi. Jalpy, osy joba iske asqan jaǵdaida biyl aýdandaǵy aýyl sharýashylyǵy óniminiń kólemi 30 mlrd. teńgege jetedi dep josparlanýda. Tek qana Jaýshyqum massivinen 500 myń tonnadan astam ónim óndirilmek. Sonyń nátijesinde, jańa jumys oryndary ashylady degen boljam bar.
