Elimiz boıynsha teńdesi joq kásiporyn – Sıngapýr men Qazaqstannyń birlesken jobasy. Amerıka men Qytaıdyń eń ozyq tehnologıalarymen jabdyqtalǵan zaýyt táýligine 600 tonna shıtti maqta óńdep, 200 tonna talshyqty maqta shyǵarady. Qazir qurylys alańynda 300-den asa adam eńbek etýde.
Indýstrıaldy-ınnovasıalyq damý baǵdarlamasy aıasynda iske asyrylyp jatqan jobanyń jalpy quny – 10 mln. dollary. Zaýyttyń qurylysy qazan aıynyń ortasynda tolyq aıaqtalyp, paıdalanýǵa beriledi. Ol kezde 150 adamǵa turaqty jumys oryndary ashylady dep josparlanýda.
Búgingi tańda shardaralyq sharýalar 25 myń gektar alqaptan aq altyn terýde. Qazirdiń ózinde alǵashqy terimdi aıaqtap qalǵan eńbekkerlerdiń jıyn-terim naýqany kún ótken saıyn qarqyn alyp keledi.
– Jańa zaýyt shıkizatty tazalap, keptirip, odan keıin óńdep, talshyǵyn bólip alyp, daıyn ónim shyǵarylady. Búgingi kúni sharýalarǵa aqsha taratyp, 10 myń gektarǵa jýyq jerge maqta ektirdk. Kelesi jyldan bastap 30-40 mln dollar kóleminde sharýalarǵa qarjy bólip, maqta ektirýdi josparlap otyrmyz. Budan basqa sharýlardyń jańa tehnıkasyn alýyna da kómek qolymyzdy sozamyz, – dedi zaýyttyń qondyrǵylar qoıý boıynsha bas mamany Janǵazy Ospanov.
Óz kezeginde Shardara aýdany ákiminiń orynbasary Qaırat Joldybaı myrza bıylǵy aýdanda 24 500 gektar jerge maqta daqyly egilgenin alǵa tartty. Sonymen qatar ol jyl óten saıyn jańa tehnologıalar endirý arqyly maqtanyń ónimdiligi de artyp kele jatqanyn da tilge tıek etti. Óıtkeni bıyl shardaralayq sharýalar ár gektaryna 28 sentnerden artyq ónim alyp, aýdan boıynsha 70 myń tonna aq altyn jınaýdy kózdep otyr eken.
