Elimiz boiynsha teńdesi joq kásiporyn – Singapýr men Qazaqstannyń birlesken jobasy. Amerika men Qytaidyń eń ozyq tehnologiialarymen jabdyqtalǵan zaýyt táýligine 600 tonna shitti maqta óńdep, 200 tonna talshyqty maqta shyǵarady. Qazir qurylys alańynda 300-den asa adam eńbek etýde.
Indýstrialdy-innovatsiialyq damý baǵdarlamasy aiasynda iske asyrylyp jatqan jobanyń jalpy quny – 10 mln. dollary. Zaýyttyń qurylysy qazan aiynyń ortasynda tolyq aiaqtalyp, paidalanýǵa beriledi. Ol kezde 150 adamǵa turaqty jumys oryndary ashylady dep josparlanýda.
Búgingi tańda shardaralyq sharýalar 25 myń gektar alqaptan aq altyn terýde. Qazirdiń ózinde alǵashqy terimdi aiaqtap qalǵan eńbekkerlerdiń jiyn-terim naýqany kún ótken saiyn qarqyn alyp keledi.
Óz kezeginde Shardara aýdany ákiminiń orynbasary Qairat Joldybai myrza biylǵy aýdanda 24 500 gektar jerge maqta daqyly egilgenin alǵa tartty. Sonymen qatar ol jyl óten saiyn jańa tehnologiialar endirý arqyly maqtanyń ónimdiligi de artyp kele jatqanyn da tilge tiek etti. Óitkeni biyl shardaralayq sharýalar ár gektaryna 28 tsentnerden artyq ónim alyp, aýdan boiynsha 70 myń tonna aq altyn jinaýdy kózdep otyr eken.
