Túrkistan óńirinde jumyssyzdyq deńgeıin tómendetý baǵytynda júıeli jumys júrgizilip jatyr.
Aıtalyq Shardara aýdanynda «Nátıjeli jumyspen qamtý jáne jappaı kásipkerlikti damytýdyń 2017-2021 jyldarǵa arnalǵan baǵdarlamasy» jumyssyzdyqty joıýda oń nátıje berýde.
Baǵdarlamany iske asyrý maqsatynda ótken jyly 2952 adam qatystyryldy. Onyń ishinde 984 jumyssyz bolsa, 1234-i ózin-ózi jumyspen qamtyǵandar, al 734 jumys izdeýshiler. Jalpy baǵdarlamaǵa qatysýshylardyń 32 paıyzy tabysy az azamattar.
Bıyl osynaý baǵdarlamaǵa barlyǵy 3800 adamdy qatystyrý josparlanǵan eken. Sonymen birge ázir aýdanda «Órleý» jobasy da sátti iske asyrylyp keledi.
Aıta ketelik byltyrǵy jyly osynaý joba aıasynda 4275 azamatqa nemese 687 otbasyǵa 217 mln. teńge kóleminde qarjy tólendi.
Jyl basynan beri memlekettik ataýly áleýmettik kómek taǵaıyndaý boıynsha 1450 otbasymen áńgimelesý júrgizilip, onyń ishinde 38 otbasyǵa 4 457,0 myń teńgege shartsyz aqshalaı kómek, 226 otbasyǵa 43,3 mln. teńge shartty aqshalaı kómek, barlyǵy 264 otbasyǵa 47,8 mln. teńge ataýly áleýmettik kómek taǵaıyndaldy.
