Shardarada bilim bólimindegiler jymqyrǵan 3,7 mlrd teńgeniń 639 millionyn ǵana qaitarǵan

Shardara aýdanynyń bilim bóliminiń laýazymdy tulǵalary jemqorlyqqa kúdikti, - dep habarlaidy Dalanews.kz. 

Sybailas jemqorlyqqa qarsy qyzmet bilim berý salasyndaǵy júieli jemqorlyq faktileriniń jolyn kesý boiynsha jumysty jalǵastyrýda.

Jymqyrý táýekelderin barynsha azaitý maqsatynda barlyq óńirlerde biryńǵai býhgalterlik esep júiesi engizildi, bul joǵary jalaqy men «Joq jandardy» eseptei otyryp, alaiaqtyqty ýaqtyly toqtatýǵa, jalǵan derekterdiń engizilýine tosqaýyl qoiýǵa múmkindik beredi.

Qazir ákimdikter ai saiyn bilim berý uiymdarynyń býhgalterlik esep júielerin qazynashylyq esepterimen avtomatty túrde salystyryp otyrady. Kez kelgen sáikessizdikter eki ret tekseriledi.

Sonymen qatar, Ishki memlekettik aýdit komiteti jáne onyń aýmaqtyq departamentteri aǵymdaǵy jyldyń tamyz aiynan bastap jalaqyny negizsiz aýdarý turǵysynan tólemderdi kameraldyq baqylaýdy júzege asyrady.

Barlyq kúdikti operatsiialar Sybailas jemqorlyqqa qarsy qyzmetke, bilim basqarmasyna jáne aýdarym jasaǵan uiymnyń ózine taldaý jasaý úshin túsedi.

Bul barlyq kúdikti operatsiialardy baqylaýǵa jáne quqyq buzýshylyqtardy anyqtaýǵa múmkindik beredi.

2023 jyldyń basynan bastap osy salada barlyǵy 297 qylmystyq is júrgizildi.

Qylmys jasaýda 406 adam áshkerelenip, onyń ishinde 196 adam túrli jazalaý sharalaryna sottaldy.

Máselen, Sybailas jemqorlyqqa qarsy qyzmettiń Túrkistan oblysy boiynsha departamenti Shardara aýdany bilim bóliminiń laýazymdy tulǵalaryna qatysty sotqa deiingi tergeýdi aiaqtady.

12 qatysýshydan turatyn turaqty uiymdasqan top, onyń ishinde bólim basshylary men olardyń baǵynysty býhgalterleri bilim berý salasynda naqty jumys istemegen jeke tulǵalarǵa, sondai-aq ózderiniń jeke shottaryna jalaqyny zańsyz aýdarý jolymen 2020-2023 jyldar kezeńinde biýdjet qarajatyn jymqyrdy dep kúdiktenedi.

Qylmystyq árekettermen memleketke 3,7 mlrd teńge kóleminde zalal keltirildi.

Qabyldanǵan sharalarmen jalpy somasy 639,8 mln teńgege zalal óteldi jáne múlikke tyiym salyndy.

Qazirgi ýaqytta qylmystyq is sotqa deiingi tergeýdiń aiaqtalýy týraly eseppen prokýratýraǵa jiberildi.

Qylmystyq-protsestik kodekstiń 201-babyna sáikes ózge aqparat jariia etýge jatpaidy.

Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik kodekstiń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi.